بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات داريعا نازارباەۆا ينۆەستيتسييالىق ساياساتتى ٸسكە اسىرۋ مەسەلەسٸ ٷكٸمەت باسشىسى اسقار ماميننٸڭ اتىنا ساۋال جولدادى, دەپ حابارلايدى قازاقپارات.
«وتاندىق ەكونوميكانىڭ تٷيٸندٸ سالالارىنا ينۆەستورلار تارتۋ ەلدٸڭ تابىستى دامۋى ٷشٸن نەگٸز بولىپ سانالادى. پاندەمييا جەنە ونىڭ سالدارىنان تۋىنداعان جاھاندىق ەكونوميكالىق رەتسەسسييا اياسىندا مەملەكەتتەر اراسىندا ينۆەستيتسييالار تارتۋ ٷشٸن بەسەكەلەستٸك ارتىپ كەلەدٸ, ەلدٸڭ ينۆەستيتسييالىق كليماتى شەشۋشٸ رٶل اتقارادى. ينۆەستيتسييالىق احۋالدى جاقسارتۋ ٷشٸن 2017 جىلى 2018-2022 جىلدارعا ارنالعان ۇلتتىق ينۆەستيتسييالىق ستراتەگييا ەزٸرلەندٸ. تۇتاستاي العاندا, مەملەكەت ينۆەستيتسييالىق احۋالدى جەتٸلدٸرۋ جٶنٸندە بٸرقاتار كەشەندٸ شارالار قابىلداۋدا. سونىمەن قاتار, قازاقستان رەسپۋبليكاسى سىرتقى ٸستەر مينيسترلٸگٸنٸڭ اقپاراتىنا سەيكەس, 2020 جىلى ەلٸمٸزدٸڭ ەكونوميكاسىنا تٸكەلەي شەتەلدٸك ينۆەستيتسييالار اعىنى 30 پايىزعا تٶمەندەگەن. ينۆەستيتسييالىق احۋالدى جاقسارتۋ مەسەلەلەرٸ ٶزەكتٸ بولىپ قالا بەرەدٸ», - دەدٸ د. نازارباەۆا.
وسىعان بايلانىستى دەپۋتات تيٸستٸ سۇراقتارعا جاۋاپ بەرۋدٸ سۇرادى.
«ستراتەگييانى ٸسكە اسىرۋدىڭ اعىمداعى مەرتەبەسٸ قانداي, 2018-2020 جىلداردىڭ نەتيجەلەرٸ بويىنشا نەگٸزگٸ نىسانالى ينديكاتورلارعا قول جەتكٸزٸلدٸ مە? ستراتەگييا جاڭا ينۆەستيتسييالار تارتۋ ٷشٸن ەڭ تيٸمدٸ بولىپ سانالاتىن «پەرسپەكتيۆالى سالالاردى» انىقتايدى, اتاپ ايتقاندا اكت, تۋريزم جەنە قارجى. ەلدٸڭ وسى سالالارداعى بەسەكەلەستٸك پوزيتسييالارى كٷشەيتٸلدٸ مە, ستراتەگييانى ٸسكە اسىرۋ جىلدارىندا قانداي نەگٸزگٸ ينۆەستيتسييالىق جوبالارعا باستاماشىلىق ەتٸلدٸ? وسى ەسەپتٸ جىلدارى ەلدەگٸ قازٸرگٸ ينۆەستورلاردى ۇستاپ قالۋ جەنە قايتا ينۆەستيتسييالاۋدى ىنتالاندىرۋ ٷشٸن قانداي ناقتى شارالار قابىلداندى? ستراتەگييا تيٸمدٸ وپەراتسييالىق شارالاردى جٷزەگە اسىرۋدى جەنە ينۆەستيتسييالاردى تارتۋدىڭ جاڭا تەسٸلدەرٸن ەنگٸزۋدٸ قاراستىرادى. ينۆەستيتسييالىق جۇمىستا قانداي جاڭا تەسٸلدەر قولدانىلادى, ولاردى تەجٸريبەگە ەنگٸزۋدٸڭ نەتيجەسٸ قانداي?», - دەپ سۇرادى داريعا نازارباەۆا.
«ستراتەگييا ينۆەستورلاردىڭ شاعىمدارى مەن مەسەلەلەرٸن سەيكەستەندٸرۋ جٷيەسٸن قۇرۋدى كٶزدەدٸ. بۇل جٷيە ٸسكە قوسىلدى ما? بۇدان باسقا, ينۆەستيتسييالىق جوبالاردىڭ مونيتورينگتٸك جٷيەسٸ ەنگٸزٸلدٸ مە, ەلدەگٸ ينۆەستيتسييالىق احۋالدىڭ جاي-كٷيٸنە جٷيەلٸ تٷردە تالداۋ جٷرگٸزٸلٸپ جاتىر ما? ستراتەگييا شەڭبەرٸندە ونى ٸسكە اسىرۋ بارىسىن تالداۋعا نەگٸزدەلگەن «قازاقستاننىڭ ينۆەستيتسييالىق احۋالىنىڭ جاي-كٷيٸ تۋرالى جىل سايىنعى باياندامانى» جارييالاۋ جوسپارلانعان بولاتىن. وسى بايانداما جارييالاندى ما? 2020 جىلى قانداي نەگٸزگٸ تۇجىرىمدار جاسالدى?», - دەدٸ دەپۋتات.
