قازاقستانداعى قايعىلى وقيعالار كەزٸندە كٶپتەگەن ادامنىڭ قازا بولۋىنا بايلانىستى قاسىم-جومارت توقاەۆتىڭ اتىنا شەت مەملەكەتتەردٸڭ باسشىلارىنان, حالىقارالىق قۇرىلىمداردىڭ ٶكٸلدەرٸنەن كٶڭٸل ايتۋ جەدەلحاتتارى كەلٸپ جاتىر, دەپ حابارلايدى اقوردا.
قحر تٶراعاسى سي تسزينپين جەدەلحاتىندا قاسىم-جومارت توقاەۆتىڭ مەملەكەت ٷشٸن شەشۋشٸ سەتتە جاعدايدى جەدەل ٶز باقىلاۋىنا الىپ, باتىل ەرٸ ناقتى شارالار قابىلداعانىن جازعان.
– وسىدان سٸزدٸڭ ساياساتكەر جەنە ەلٸڭٸز بەن حالقىڭىزدىڭ الدىندا زور جاۋاپكەرشٸلٸك ارقالاعان تۇلعا رەتٸندەگٸ ەرلٸگٸڭٸز كٶرٸنەدٸ. مەن مۇنى جوعارى باعالايمىن! قىتاي تاراپى قازاقستاننىڭ تۇراقتىلىعىنا نۇقسان كەلتٸرەتٸن, ونىڭ قاۋٸپسٸزدٸگٸنە قاۋٸپ تٶندٸرەتٸن, قازاقستان حالقىنىڭ تىنىشتىعىن بۇزاتىن كەز كەلگەن كٷشتەرگە جەنە قازاقستاندا سانالى تٷردە حاوس تۋعىزىپ, «تٷرلٸ-تٷستٸ رەۆوليۋتسييا» جاسايتىن سىرتقى كٷشتەرگە باتىل قارسى شىعادى. قازاقستان مەن قىتاي اراسىنداعى دوستىققا سىنا قاعۋعا جەنە ەكٸجاقتى ىنتىماقتاستىققا كەدەرگٸ كەلتٸرۋگە تىرىساتىن كەز كەلگەن ەرەكەتكە باتىل قارسى تۇرادى, – دەلٸنگەن قىتاي تٶراعاسىنىڭ جەدەلحاتىندا.
ٶزبەكستان پرەزيدەنتٸ شاۆكات ميرزييوەۆ ٶزٸنٸڭ حاتىندا قاسىم-جومارت توقاەۆقا جەنە قازاقستان حالقىنا كٶڭٸل ايتىپ, ەلٸمٸزدەگٸ بەيبٸتشٸلٸكتٸ ساقتاۋ جولىندا قازا تاپقان قايسار ۇلانداردىڭ جاقىندارى مەن تۋىستارىنىڭ قايعىسىنا ورتاقتاساتىن ايتقان.
– باۋىرلاس قازاقستاندا بەيبٸتشٸلٸك پەن تۇراقتىلىقتى قامتاماسىز ەتۋ جولىنداعى سٸزدٸڭ باتىل كٷش-جٸگەرٸڭٸزدٸ تولىق قولدايتىنىمىزدى تاعى دا ناقتىلاعىم كەلەدٸ, – دەلٸنگەن ٶزبەكستان كٶشباسشىسىنىڭ جەدەلحاتىندا.
قىرعىزستان پرەزيدەنتٸ سادىر جاپاروۆ جولداعان جەدەلحاتىندا قازاقستاندا بولعان قايعىلى وقيعالاردى زور كٷيزەلٸسپەن قابىلداعانىن اتاپ ٶتٸپ, قىرعىزستان حالقىنىڭ جەنە جەكە ٶزٸنٸڭ اتىنان مەملەكەت باسشىسى قاسىم-جومارت توقاەۆقا جەنە قازاق حالقىنا كٶڭٸل ايتقان.
– مىزعىماس دوستىق, تاتۋ كٶرشٸلٸك جەنە ٶزارا سىيلاستىققا نەگٸزدەلگەن حالىقتارىمىزدىڭ كٶپ عاسىرلىق ورتاق تاريحي, رۋحاني جەنە مەدەني بايلانىستارىن ەسكەرە وتىرىپ, قىرعىزستان قازاقستان رەسپۋبليكاسىن قاشاندا نيەتتەس, سەنٸمدٸ كٶرشٸ ەرٸ ستراتەگييالىق ەرٸپتەس رەتٸندە قولدايدى, – دەلٸنگەن قىرعىزستان باسشىسىنىڭ جەدەلحاتىندا.
بەلارۋس پرەزيدەنتٸ الەكساندر لۋكاشەنكو كٶپتەگەن ادامنىڭ قۇربان بولۋىنا جەنە عيماراتتاردىڭ قيراۋىنا ەكەپ سوقتىرعان سودىرلار توبىنىڭ ەلٸمٸزگە جاساعان شابۋىلى حالىقارالىق تەرروريزمنٸڭ ەلەمگە زور قاۋٸپ تٶندٸرەتٸنٸن تاعى دا كٶرسەتتٸ دەپ جازعان.
– ەكسترەميستەردٸڭ تٷپكٸ ماقساتى – كٶپۇلتتى قازاقستانداعى جاعدايدى تۇراقسىزداندىرۋ, ەلدە حاوس ورناتىپ, كونستيتۋتسيياعا قارسى تٶڭكەرٸس جاساۋ جەنە ساياسي باعداردى ٶزگەرتۋ ٷشٸن باۋىرلار اراسىندا سوعىس وتىن ٶرشٸتۋ ەكەنٸ ايقىن, – دەپ جازدى بەلارۋس باسشىسى.
تەجٸكستان پرەزيدەنتٸ ەمومالي راحمون جەنە تٷرٸكمەنستان پرەزيدەنتٸ گۋربانگۋلى بەردٸمۇحامەدوۆ, سونداي-اق بۇۇ ٶركەنيەتتەر اليانسىنىڭ جوعارعى ٶكٸلٸ ميگەل انحەل موراتينوس جەنە باسقا دا تۇلعالار قولداۋ بٸلدٸرٸپ, كٶڭٸل ايتتى.
جەدەلحاتتار ەلٸ دە كەلٸپ تٷسۋدە.
