قازاقستانداعى شەتەل ازاماتتارى ٶزدەرٸنٸڭ ەل اۋماعىندا جٷرٸپ-تۇرۋ قۇقىعىن قايتا زاڭداستىرۋى تيٸس. بۇل تۋرالى قر ۇقك شەكارا قىزمەتٸنٸڭ شەكارالىق باقىلاۋ دەپارتامەنتٸ باسشىسىنىڭ ورىنباسارى مۇڭداش موللاشەۆ مەلٸم ەتتٸ, دەپ حابارلايدى قازاقپارات.
«2021 جىلعى 5 ماۋسىمدا شەتەل ازاماتتارىنىڭ قازاقستان رەسپۋبليكاسىنىڭ اۋماعىندا ۋاقىتشا بولۋ مەرزٸمٸ اياقتالادى. اتالعان مەرزٸم ۆەدومستۆوارالىق كوميسسييانىڭ (ۆاك) 2020 جىلعى 29 جەلتوقسانداعى شەشٸمٸمەن پاندەميياعا بايلانىستى ۇزارتىلعان بولاتىن. قازٸرگٸ ۋاقىتتا قازاقستان رەسپۋبليكاسىنىڭ مەملەكەتتٸك شەكاراسى ارقىلى قۇرلىقتاعى جەنە اۆياتسييالىق ٶتكٸزۋ بەكەتتەرٸ شتاتتىق رەجيمدە جۇمىس ٸستەيدٸ. سونداي-اق, بٷگٸندە 15 مەملەكەتپەن (رەسەي فەدەراتسيياسى, بەلارۋس رەسپۋبليكاسى, قىرعىزستان رەسپۋبليكاسى, ٶزبەكستان رەسپۋبليكاسى, تەجٸكستان رەسپۋبليكاسى, كورەيا رەسپۋبليكاسى, ۋكراينا, تٷركييا, ەگيپەت, گەرمانييا, بٸرٸككەن اراب ەمٸرلٸكتەرٸ, نيدەرلاندى كورولدٸگٸ, گرۋزييا, چەرنوگورييا, شري-لانكا) تۇراقتى ەۋە قاتىناسى قايتا جاڭارتىلدى», - دەدٸ مۇڭداش موللاشەۆ اتالعان ۆەدومستۆودا ونلاين ٶتكەن باسپاسٶز مەسليحاتىندا.
ونىڭ ايتۋىنشا, قازاقستان اۋماعىنا 101 شەكارالىق بەكەت ارقىلى كٸرۋگە بولادى.
ونىڭ ٸشٸندە اۆتوموبيل جولاۋشىلارىنا ارنالعان 51 بەكەت, 19 ەۋە جەنە 3 تەڭٸز بەكەتٸ قىزمەت ەتەدٸ.
سونداي-اق, ول كارانتين شەكتەۋلەرٸنە بايلانىستى بٷگٸندە 12 بەكەتتٸڭ قىزمەتٸ ۋاقىتشا توقتاتىلعانىن تٸلگە تيەك ەتتٸ.
«ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸ شەتەلدٸكتەردٸ ازاماتتىعى بار ەلگە كەدەرگٸسٸز قايتارۋ بويىنشا شارالار قابىلداۋدا. اتاپ ايتقاندا, كارانتيندٸك شەكتەۋلەر كەزٸندە, ونىڭ ٸشٸندە ونلاين فورماتتا ادامداردىڭ ەلدەن شىعۋ تەرتٸبٸن تٷسٸندٸرۋ ۇيىمداستىرىلدى. وسى ورايدا ەكٸمشٸلٸك جاۋاپقا تارتىلماس ٷشٸن شەتەلدٸكتەر مەن ولاردى شاقىراتىن ادامدارعا قازاقستان اۋماعىندا ودان ەرٸ جٷرٸپ-تۇرۋدى 5 ماۋسىمعا دەيٸن زاڭداستىرۋ قاجەتتٸگٸن ەسكەرتكٸمٸز كەلەدٸ», - دەيدٸ ول.
