ەلٸمٸزدە سىبايلاس جەمقورلىققا قارسى كٷرەس قالاي جٷرگٸزٸلٸپ كەلدٸ جەنە بٷگٸندە اگەنتتٸك پاراقورلىقپەن قالاي كٷرەسٸپ جاتىر? بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ ايتىپ بەردٸ, دەپ حابارلايدى قازاقپارات.
«بٷگٸنگە دەيٸن اگەنتتٸك قىلمىستىق قۋدالاۋ ورگانى رەتٸندە جۇمىس ٸستەپ كەلدٸ. بۇل تەسٸلمەن ۇزاق جۇمىس ٸستەدٸك. وسىعان دەيٸن اگەنتتٸك جۇمىستىڭ تيٸمدٸلٸگٸ قىلمىستىڭ سانى مەن شۋلى قاماۋلارمەن باعالانىپ كەلدٸ. بۇل جۇمىس ەدٸسٸ سول زاماننىڭ جەمقورلىق سيپيتىنا سەيكەس بولدى. جۇمىس تەسٸلدەرٸ ٶتە قاراپايىم ەدٸ. ياعني, كٷدٸكتٸنٸ پارا الۋ ٷستٸندە ۇستايسىڭ, قامايسىڭ, سوسىن تەرگەۋدٸ تەزٸرەك اياقتاپ, ٸس سوتقا جٸبەرٸلەدٸ. جىل سايىن مىڭداعان جەمقورلاردىڭ ۇستالعانى تۋرالى بايانداۋ ٷشٸن وسى تەسٸل جەتكٸلٸكتٸ ەدٸ. قوعام انتيكوردىڭ جۇمىسىن وسىنداي كٶرسەتكٸشتەرمەن باعالاۋعا ٷيرەنٸپ قالعان سيياقتى», - دەدٸ مارات احمەتجانوۆ ٶز بايانداماسىندا.
سونداي-اق, اگەنتتٸك باسشىسىنىڭ ايتۋىنشا, پاراقورلاردى قاماۋمەن ٸس بٸتپەيدٸ.
«بٸراق لاۋازىمدى تۇلعالاردى ۇستاۋ, سىبايلاس جەمقورلىق پروبلەماسىنا نٷكتە قويمايتىنىن تٷسٸنۋٸمٸز كەرەك. ياعني, شەنەۋنٸكتەردٸ ۇستاپ, قاماۋ, جەمقورلىقتى جٷيەلٸ تٷردە شەشپەيدٸ. ۇستالعان پاراقوردىڭ ورنىنا باسقاسى كەلەدٸ دە, ەسكٸ ەدٸسكە سالىپ جۇمىستى جالعاستىرا بەرەدٸ. بۇل مەسەلەگە مەملەكەت باسشىسى دا ەرەكشە نازار اۋداردى. پرەزيدەنت «جەمقورلىقتىڭ نەگٸزگٸ شارتتارىن جويماي, ونىمەن كٷرەسۋ جەل ديٸرمەنٸمەن الىسۋمەن بٸردەي» دەپ باعاسىن بەردٸ. وسى ورايدا بٸزدٸڭ اگەنتتٸك جۇمىس تەسٸلٸن ٶزگەرتٸپ, جاڭاشىلدىققا قادام باستى. بۇل باعىتتا تسيفرلاندىرۋ دا ٶز ٷلەسٸن قوسىپ جاتىر», - دەيدٸ ۆەدومستۆو باسشىسى.
