شەكاراشىلار الماتى جەنە شىعىس قازاقستان وبلىسىنىڭ اۋماعىنان جابايى قاراسورا ٶسكەن القاپتاردى تاپتى, دەپ حابارلايدى "ۇلت اقپارات" قر ۇقك قش باسپاسٶز قىزمەتٸنە سٸلتەمە جاساپ.
«شونجى شەكارا وتريادىنىڭ «تەكەس» جەنە كٷرشٸم شەكارا وتريادىنىڭ «ٶرەل» شەكارا زاستاۆالارىنىڭ اۋماعىنان شەكاراشىلار جابايى قاراسورا القاپتارىن تاپتى. ەكٸ جەردەن تابىلعان القاپتىڭ جالپى كٶلەمٸ - 5 گەكتار. جەرگٸلٸكتٸ اتقارۋشى ورگاندار ٶكٸلدەرٸنٸڭ قاتىسۋىمەن ٶسٸمدٸك القابى جويىلدى. 9 مىڭ تٷپ ەسٸرتكٸ ٶسٸمدٸگٸنٸڭ جالپى سالماعى 1,5 توننادان اسقان», دەلٸنگەن ٶتكەن تەۋلٸك بويىنشا شەكاراشىلار جۇمىسىنىڭ نەتيجەسٸ كٶرسەتٸلگەن حابارلامادا.
سونداي-اق, كەشە ساعات 22:00 شاماسىندا سارىاعاش شەكارا وتريادىنا قاراستى «ىنتىماق» زاستاۆاسىندا شەكارانىڭ بۇزىلعانى جٶنٸندە بەلگٸ كەلٸپ تٷسكەن.
وقيعا ورنىنا اتتانعان توپ ٶزبەكستاننان ەلٸمٸزگە قاراي جاسىرىن ٶتپەك بولعان ەكٸ ٶزبەكستاندىقتى ۇستادى. ولار كٷنكٶرٸس قامىمەن جۇمىس ٸزدەۋگە شىققانىن ايتقان. قازٸر قۇقىق قورعاۋ ورگاندارى وسى ٸس بويىنشا تەكسەرۋ جٷرگٸزٸپ جاتىر.
بۇدان باسقا, قورعاستىق شەكاراشىلار حالىقارالىق شەكارا بويى ىنتىماقتاستىعى ورتالىعىنان قايتىپ كەلە جاتقان 21 جاستاعى قازاقستانتان سالماعى 63 كگ قىتايدا شىعارىلعان دەرٸ-دەرمەك تاۋىپ, اكتٸمەن التىنكٶل كەدەن بەكەتٸنە تاپسىردى.
