شەكارا بەكەتتەرٸندە جولاۋشىلار اعىنىنىڭ ازايعانىنا قاراماستان زاڭ بۇزۋشىلىقتار ەلٸ دە ازاياتىن ەمەس, دەپ حابارلايدى قازاقپارات.
«شەكارالاردىڭ اشىلىپ, بۇرىنعى جۇمىس قالپىنىڭ قايتا ورالۋ مەسەلەسٸ كەزەڭ-كەزەڭٸمەن شەشٸلەدٸ. ول ٷشٸن الدىمەن كەشەندٸ تالداۋ جۇمىستارى جٷرگٸزٸلۋٸ كەرەك. بۇل رەتتە نەگٸزگٸ ٷش كٶرسەتكٸش ەسەپكە الىنادى. بٸرٸنشٸدەن, ەلدە ەپيدەميولوگييالىق احۋال جاقسارۋى كەرەك. ەكٸنشٸدەن حالىقارالىق ەۋە جەنە تەمٸرجول قاتىناستارى قالپىنا كەلتٸرٸلۋٸ تيٸس. ٷشٸشٸدەن قازاقستاندىقتار بارۋعا جوسپارلاعان ەلدٸڭ شەكارالارى اشىلۋى كەرەك», - دەدٸ قر ۇقك شەكارا قىزمەتٸ شەكارالىق باقىلاۋ دەپارتامەنتٸ باستىعىنىڭ ورىنباسارى پولكوۆنيك ولەگ فيسەنكو وكق-داعى باسپاسٶز مەسليحاتىندا.
قازٸرگٸ تاڭدا وسىنداي جۇمىس رەتٸمەن تٷركييامەن ەۋە قاتىناسى قالپىنا كەلتٸرٸلگەن. وڭتٷستٸك كورەيادان دا رەيستەر ورىندالۋدا.
«شەكاراشىلار شەكتەۋ بولسا دا, بولماسا دا ۇيىمداستىرىلعان ٶتكٸزۋ تەرتٸبٸن ساقتاي وتىرىپ, جۇمىس ٸستەۋگە دايىن. ٶكٸنٸشكە قاراي پاندەمييا كەزٸندە دە زاڭعا قايشى ەرەكەتتەر توقتايتىن ەمەس. شەكاراشىلار ەلدەن 7 ميلليون قورعانىش ماسكاسىن, 20 مىڭ رەسپيراتور مەن 3 مىڭ قورعانىش كيٸمٸن, 4 ملن جۇپ مەديتسينالىق قورعانىش قولعابىن سىرتقا شىعارۋ فاكتٸلەرٸنٸڭ جولىن كەستٸ. سونىمەن بٸرگە جولاۋشىلار اعىنىنىڭ ازايعانىنا قاراماستان بٶتەن جەنە جالعان قۇجات ارقىلى شەكارادان ٶتۋگە تىرىسۋ جاعدايلارى دا توقتاماي تۇر. زاڭ بۇزۋشىلار اۆتوكٶلٸككە جاسىرىنىپ ٶتۋگە تىرىسادى. ودان بٶلەك رۇقسات ەتٸلمەيتٸن زاتتاردى تاسىمالداۋعا تىرىسۋ جاعدايى دا بار», - دەدٸ ول.
ەسكە سالا كەتسەك, بۇعان دەيٸن عاني اعادٸلوۆ قازاقستان تٶتەنشە جاعداي كەزٸندە دە, كەيٸن دە مەملەكەتارالىق جٷك تاسىمالىنا ەشقانداي شەكتەۋ قويىلماعانىن حابارلاعان ەدٸ.
