اتامەكەنٸنە ورالىپ, قىتايدان قازاقستانعا كٶشٸپ كەلمەك بولعاندا شەكارالىق تەكسەرۋ كەزٸندە 50 مىڭ دوللارعا جۋىق بار جيعان-تەرگەن اقشاسىنان ايىرىلىپ قالعان قانداسىمىز گٷلجان مەۋٸتحانقىزىنا قاتىستى اپەللياتسييالىق سوت وتىرىسى بٷگٸن اياقتالدى, دەپ حابارلايدى baq.kz تٸلشٸسٸ سوت زالىنان.
ەكٸ كٷنگە سوزىلعان اپەللياتسييالىق سوت وتىرىسى بارىسىندا شەكارادا بار جيعان-تەرگەن اقشاسىنان ايىرىلىپ قالعان قىتايلىق قانداسىمىز گٷلجان مەۋٸتقانقىزىنىڭ ٸسٸ بٷگە-شٸگەسٸنە دەيٸن قارالىپ, تەرگەۋ بارىسىندا بٸرقاتار ٶرەسكەل زاڭ بۇزۋشىلىقتاردىڭ ورىن العانى انىقتالدى.
كەشەلٸ-بەرٸ وسى ٸسكە قاتىسى بار جەبٸرلەنۋشٸلەردەن, كۋەگەرلەردەن, ادۆوكات پەن ايىپتاۋشى تاراپتىڭ جاۋابىن تىڭداعان شىعىس قازاقستان وبلىستىق قىلمىستىق ٸستەردٸ قارايتىن سوت القاسى گٷلجان مەۋٸتقانقىزىنىڭ ٸسٸنە قاتىستى تٶمەندەگٸدەي شەشٸم شىعاردى.
«بٷگٸنگٸ سوت 2017 جىلعى 10 سەۋٸر كٷنگٸ زايسان قالالىق سوتىنىڭ شىعارعان ٷكٸمٸنٸڭ كٷشٸن جويىپ, بۇل ٸستٸ سوتتان پروكۋراتۋراعا تەرگەۋگە جولداۋ تۋرالى شەشٸم شىعاردى», - دەيدٸ سوت زالىنان شىققان تٸلشٸمٸز.
ەستەرٸڭٸزدە بولسا, بۇعان دەيٸن شىعىس قازاقستان وبلىسى زايسان اۋداندىق سوتى جالعىزباستى ەيەلدٸ قر قىلمىستىق كودەكسٸنٸڭ 234-بابى (ەكونوميكالىق كونتراباندا) بويىنشا ايىپتى دەپ تانىپ, ٷستٸنەن 68 مىڭ تەڭگە ايىپپۇل سالدى.
ال, 9900 دوللارىن عانا قايتارىپ بەرٸپ, قالعان 40 مىڭ دوللار قارجىسىن مەملەكەتكە كٸرٸس رەتٸندە بەكٸتكەن بولاتىن.
بٷگٸنگٸ سوت وتىرىسىنان ايتا كەتەتٸن تاعى بٸر جاعىمدى جاڭالىق, ەدٸلبەك مۇقتاشۇلى مەن گٷلجان مەۋٸتقانقىزىنىڭ ٷستٸنەن قوزعالعان تەرگەۋ كەزٸندە جەنە سوت كەزٸندە ەرتٷرلٸ جاۋاپ بەرگەنٸ ٷشٸن ەكەۋٸ جاۋاپقا تارتىلادى دەگەن قاۋلىنىڭ دا كٷشٸ جويىلعان.
