فوتو: yandex.kz
مەجٸلٸستە ٶتكەن ٷكٸمەت ساعاتىندا قر اۋىل شارۋاشىلىعى مينيسترٸ ايداربەك ساپاروۆ شەگٸرتكەدەن كەلگەن شىعىن تۋرالى مەلٸمدەدٸ, -دەپ حابارلايدى "ۇلت اقپارات".
مينيستر وسى مەسەلە بويىنشا ٶزٸ بٷكٸل وبلىستى ارالاپ جٷرگەنٸن ايتىپ:
– "بىلتىر شەگٸرتكە 1,5 ملن گا جەرگە تارالسا, بيىل پرەپاراتتى ۋاقىتىندا الماعاننىڭ سالدارىنان 2,5 ملن گا اۋماققا كٶبەيٸپ كەتتٸ. كٷزدە زەرتتەۋ جۇمىستارىن جٷرگٸزگەن كەزدە 2,5 ملن گە جەرگە پرەپارات كەرەكتٸگٸن تٷسٸندٸك. بٸراق بەكٸتٸلگەن بيۋدجەتتە 4,2 ملرد تەڭگە عانا اقشا بولدى. وسى مەسەلەدە پرەمەر-مينيستر بٸزدٸ قولداپ, تاعى 3,9 ملرد تەڭگە بەردٸ. سوندىقتان, قاراجات پەن پرەپارات جەتكٸلٸكتٸ", – دەيدٸ مينيستر.
قازٸر شەگٸرتكەمەن كٷرەسكە 427 تەحنيكا,36 ۇشاق, 36 دەلتاپلان جۇمىلدىرىلعان.
"جالپى, بٸر اۋىلعا شەگٸرتكە كٸرٸپ كەتتٸ, ٷلكەن شىعىن كەلتٸردٸ دەگەن دەرەك بولمادى. بەكٸتٸلگەن جوسپار بويىنشا ناقتى جۇمىس جالعاسىپ جاتىر", -دەدٸ ساپاروۆ ٶز سٶزٸندە.
