سۋرەت اشىق دەرەككٶزدەن الىندى
ٶزبەكستان پرەزيدەنتٸ شاۆكات ميزيياەۆ "ەلدەكٸمدەر ۇسىنىس جاساسا دا, باق-تاردى جاپپايتىنىن" مەلٸمدەدٸ. ول مۇنى قاشقادارييا وبلىسىندا جاڭا مەكتەپتٸ اشۋ سالتاناتى كەزٸندە ايتقانىن جەرگٸلٸكتٸ باق پرەزيدەنت باسپاسٶز حاتشىسى شەرزود اسادوۆقا سٸلتەپ حابارلادى, دەپ جازادى ازاتتىق.
"بۇقارالىق اقپارات قۇرالدارىنا قولداۋ كٶرسەتپەيتٸن جابىق ەل بولعاندىقتان, حالىقتىڭ ەدٸلەتتٸ تالابىن ەستٸمەدٸك. ەركٸندٸك ۇناي ما سٸزدەرگە? ماعان ۇنايدى. يە, ماعان قيىنداۋ بولادى. ماعان "كەيبٸر باق-تاردى جاۋىپ تاستاۋ كەرەك" دەيدٸ. بٸراق مەن جاپپايمىن" دەدٸ ول.
ميرزيياۆ "باق-پەن دوس بولۋ كەرەك" دەيدٸ.
"ايتا بەرسٸن, بٸراق ەدٸلٸن ايتسىن. سىناسا دا, ەدٸل سىناسىن. ەگەر سودان اۋىلعا, مەكتەپكە, بٸلٸم سالاسىنا پايدا بولسا, تٸپتٸ جاقسى. مەن كٷندە وقىپ وتىرامىن, ينتەرنەتتٸ دە قاراپ جٷرمٸن. مٷمكٸندٸگٸنشە كٷنٸنە ەكٸ ساعات ۋاقىتىمدى بٶلٸپ, قارىنداشپەن استىن سىزىپ وقيمىن. 10 پٸكٸردٸڭ توعىزى دۇرىس. بۇل باعىتىمىز دۇرىس پا? دۇرىس" دەدٸ ول.
2021 جىلى اقپاندا شاۆكات ميرزيياەۆ جۋرناليستەرمەن سٶيلەسكەندە "قورىقپاڭدار, سەندەردٸڭ ارتتارىڭدا پرەزيدەنت تۇر" دەگەن ەدٸ.
پرەزيدەنت باق جۇمىسىنا تسەنزۋرا جاساعان, كەدەرگٸ كەلتٸرگەن شەنەۋنٸكتٸ جازالاۋدى ۇسىندى. مۇنداي ەكٸمشٸلٸك جازانى 2019 جىلى دا ۇسىنعان, بٸراق زاڭ نورماسىنا اينالماستان قالعان. بۇرىنعى دەپۋتات راسۋل كٶشەرباەۆ "وعان كٷش قۇرىلىمدارى كەدەرگٸ جاسادى" دەگەن ەدٸ.
2021 جىلعى اقپاندا ٶزبەكستان قىلمىستىق كودەكسٸنە جۋرناليستٸڭ زاڭدى جۇمىسىنا كەدەرگٸ كەلتٸرۋ, ياعني قىزمەت بابىن پايدالانۋ ارقىلى جۋرناليست پەن ونىڭ تۋىستارىنا قىسىم جاساۋ, كٷش قولدانۋدى ايىپتايتىن نورما ەنگٸزۋ ۇسىنىلعان. بٸراق ول دا قابىلدانباستان قالعان.
ٷكٸمەتتٸك ەمەس ۇيىمداردىڭ باياندامالارىنا قاراعاندا, ٶزبەكستان سٶز ەركٸندٸگٸ ناشار ەلدەر ساناتىنا جاتادى. حالىقارالىق "شەكاراسىز تٸلشٸلەر" ۇيىمىنىڭ جىل سايىنعى قورىتىندىسىنا قاراعاندا, 2022 جىلى ٶزبەكستان سٶز ەركٸندٸگٸ بويىنشا دٷنيەجٷزٸندەگٸ 180 ەلدٸڭ ٸشٸندە 133-ورىنعا توقتاعان.
