قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ۇيىمداستىرۋىمەن «شارىن» مەملەكەتتٸك ۇلتتىق تابيعي پاركٸن دامىتۋ تۇجىرىمداماسى ونلاين رەجيمدە تانىستىرىلدى, دەپ حابارلايدى قازاقپارات.
«تۋريستەردٸڭ جىل سايىنعى كەلۋٸنٸڭ ٶسۋٸنە قاراماستان, دەمالۋ ٷشٸن قاراپايىم جاعدايلار مەن قاجەتتٸ ينفراقۇرىلىمنىڭ بولماۋىنا بايلانىستى ۇلتتىق پاركتەردەگٸ ەكولوگييالىق تۋريزم تيٸستٸ دەڭگەيدە دامىماي وتىر. «شارىن» مەملەكەتتٸك ۇلتتىق تابيعي پارك اۋماعىندا تٶرت تۋريستٸك باعدار بار. 2019 جىلدىڭ قورتىندىسى بويىنشا اتالعان باعدارلارمەن 20 640 ادام جٷرٸپ ٶتتٸ. تۋريستەرگە قىزمەت كٶرسەتۋ نەتيجەسٸندە ۇلتتىق پاركتٸڭ ارنايى شوتىنا 16 ملن 700 مىڭ تەڭگە تٷستٸ», - دەدٸ قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەرلان نىسانباەۆ.
ونىڭ ايتۋىنشا, ۇلتتىق پاركتەگٸ تۋريزمنٸڭ قازٸرگٸ ينفراقۇرىلىمى زاماناۋي تالاپتارعا ساي كەلمەيدٸ. سونىمەن قاتار اتالعان پارك اۋماعىن دامىتۋعا ينۆەستورلار تاراپىنان قىزىعۋشىلىق تٶمەن بولىپ تۇر. ياعني, جۇمسالعان شىعىننىڭ ٶزٸن-ٶزٸ اقتاۋ مەرزٸمٸ ۇزاق. وسى ورايدا بٸرقاتار ەلدەردٸڭ تەجٸريبەسٸ, ونىڭ ٸشٸندە اقش-تاعى ۇلتتىق پاركتٸڭ جۇمىسى, ەكوتۋريزمدٸ دامىتۋ باعىتىنداعى زاڭناماسى زەرتتەلدٸ.
«حالىقارالىق تەجٸريبەنٸ ەسكەرە وتىرىپ, ۇلتتىق پاركتٸڭ ەكولوگييالىق تۋريزمٸن دامىتۋدىڭ قادامدارى ايقىندالدى. سونىمەن بٸرگە, نەگٸزگٸ ەكپٸن تۋريستٸك باعدارلاردى, سوقپاق جولدار جەلٸسٸن دامىتۋعا قويىلادى, سونداي-اق ساپارلاۋ ورتالىعىن, كەمپينگ, ەتنواۋىلداردى قۇرۋ ەسكەرٸلگەن. بٸز بٸرٸنشٸ كەزەكتە تۋريستٸك باعدارلار مەن سوقپاق جولدارمەن جٷرٸپ ٶتۋدٸ ناسيحاتتاۋىمىز كەرەك. وسى ورايدا ۇلتتىق پاركتٸڭ ينفراقۇرىلىمىن دامىتۋ قادامدارىن ٶزگەرتۋدٸ جوسپارلاپ وتىرمىز», - دەدٸ ۆيتسە-مينيستر.
ونىڭ سٶزٸنە قاراعاندا, «شارىن» ۇلتتىق پاركٸندە جەكە ينۆەستيتسييالار تارتۋ ەسەبٸنەن ەكوتۋريزمدٸ دامىتۋ قاراستىرىلعان. بۇل تۇرعىدا زاماناۋي ەكٸ ساپارلاۋ ورتالىعىن, جاياۋ جٷرگٸنشٸلەر ٷشٸن تٶرت باعداردى, ەتنواۋىلداردى, كٶرۋ الاڭدارىن جەنە باسقا دا نىسانداردى قۇرۋ جوسپارلانعان. رەكرەاتسييالىق جٷكتەمەنٸ ازايتۋ ٷشٸن بارلىق نىساندار شاتقالدان تىس اۋماقتا ورنالاسادى.
تۋريستەر ساپارلاۋ ورتالىعىنا كەلگەن كەزدە, وعان وسى اۋماق تۋرالى اقپارات بەرٸلەدٸ. وسى رەتتە جاياۋ جٷرۋ, ۆەلوسيپەد باعدارلارى ايقىندالعان.
ەكولوگييا مينيسترلٸگٸنٸڭ مەلٸمەتٸنشە, ۇلتتىق پاركتٸ دامىتۋ جوباسى اياسىندا الدان الا ەسەپتەۋلەر بويىنشا 3,6 ملرد تەڭگە قاجەت بولادى.
