فوتو: okg.kz
بٷگٸنگٸ كٷندە وبلىستا ينۆەستيتسييا تارتۋ ارقىلى جاڭا جۇمىس ورىندارىن اشۋ باعىتىندا جۇمىستار جاندانىپ كەلەدٸ. بۇل باعىتتا اۋدانداعى «بادام» يندۋستريالدى ايماعىندا جاڭا ينۆەستيتسييالىق جوبالاردىڭ قۇرىلىسى باستالعان بولاتىن. وبلىس ەكٸمٸ دارحان ساتىبالدى ورداباسى اۋدانىنا ارنايى ٸسساپارمەن بارىپ, اليۋمينيي پروفيل بۇيىمدارىن شىعاراتىن ««Central Asia Aluminum Company» جشس-ٸن ارالاپ, جۇمىس بارىسىن باقىلادى. زاۋىتتىڭ قۇرىلىسىمەن تانىسقان ٶڭٸر باسشىسى كەسٸپكەرلەرمەن پٸكٸرلەستٸ.
– بٸزدٸڭ ٶڭٸردە جۇمىس ورىندارىن اشۋ ماڭىزدى. سول سەبەپتٸ ٶڭٸردە ٸسكە قوسىلعان ەربٸر زاۋىت ٶڭٸر ەكونوميكاسىنىڭ دامۋىنا ٷلەس قوسادى. سوندىقتان ينۆەستيتسييالىق جوبالارعا تۇراقتى قولداۋ كٶرسەتٸلەدٸ. وسى زاۋىتتاردا بٸزدٸڭ تۇرعىندار جۇمىس ٸستەيدٸ, – دەدٸ دارحان ساتىبالدى.
ٸسساپار اياسىندا ٶڭٸر باسشىسى بادام اۋىلىنداعى «RZN» جشس گازوبلوك شىعاراتىن زاۋىتتىڭ جۇمىسىمەن تانىستى. جوبانىڭ ينۆەستيتسييالىق قۇنى 1 ملرد. 500 ملن. تەڭگەنٸ قۇرايدى, ال, ونىڭ قۋاتتىلىعى جىلىنا 85 مىڭ تەكشە مەتر. جەر اۋماعى – 3 گەكتاردى قۇرايتىن جوبا تولىقتاي ٸسكە اسقان كەزدە 25 ادام جۇمىسپەن قامتىلادى دەپ كٷتٸلۋدە.
اۋداننىڭ ٶندٸرٸستٸ ايماعىن ارالاپ كٶرگەن وبلىس ەكٸمٸ مەملەكەت تاراپىنان ۇسىنىلعان جەر ۋاقتىلى يگەرٸلٸپ, كەسٸپورىندار ٶز مەرزٸمٸندە اشىلۋى كەرەك ەكەنٸن جەتكٸزدٸ. سونىمەن بٸرگە يندۋستريالدى ايماقتى اباتتاندىرىپ, كٶگالداندىرۋ قاجەتتٸگٸن, جەرگٸلٸكتٸ تۇرعىنداردى ٷيرەتٸپ, جۇمىسقا تارتۋ كەرەكتٸگٸن دە ەسكەرتتٸ.
دەنٸ ساۋ ۇرپاق – مەملەكەت بايلىعى
سونىمەن قاتار وبلىس ەكٸمٸ دارحان ساتىبالدى بادام اۋىلىنداعى زاماناۋي سپورتتىق-ساۋىقتىرۋ كەشەنٸنٸڭ اشىلۋ سالتاناتىنا قاتىستى.
– ٶڭٸرٸمٸزدە اۋىلدى ەلدٸ مەكەندەردٸڭ ينفراقۇرىلىمىن جاقسارتۋ جۇمىستارى جٷرٸپ جاتىر. بٸلٸم, مەديتسينا, سپورت, مەدەنيەت نىساندارى سالىنۋدا. سپورت كەشەنٸ جاستاردىڭ سالاۋاتتى ٶمٸر سالتىن ۇستانۋىنا قولايلى بولاتىنىنا سەنەمٸز. وسىندا جاتتىققان سپورتشى جاستارىمىز ەلەمدٸك دەڭگەيدە قازاقستاننىڭ اتىن شىعارادى دەگەن ٷمٸتتەمٸز, – دەگەن ٶڭٸر باسشىسى سپورت كەشەنٸن ارالاپ, وندا جاتتىعىپ جاتقان سپورتشىلارمەن, باپكەرلەرمەن جٷزدەستٸ.
اۋىل بالالارى مەن جاسٶسپٸرٸمدەردٸڭ بوس ۋاقىتىن تيٸمدٸ پايدالاناتىنىنا قۋانعان اۋىل اقساقالدارى مەن تۇرعىندارى ريزاشىلىقتارىن بٸلدٸرٸپ, ٶڭٸر باسشىسىمەن ەركٸن پٸكٸر الماستى. وسى كەزدەسۋدە ۇسىنىستار ايتىلىپ, ايماقتى دامىتۋ جولدارى سٶز بولدى. الداعى ۋاقىتتا اتالعان سپورت كەشەنٸندە وبلىستىق قاجىمۇقان اتىنداعى №1 بالالار مەن جاسٶسپٸرٸمدەر سپورت مەكتەبٸ ورنالاسادى. بٷگٸندە بۇل سپورت مەكتەبٸندە 1000-عا جۋىق بالا جاتتىعىپ جٷر.
وبلىستا ٶندٸرٸس ورىندارىن اشۋ, ينۆەستيتسييا تارتۋعا باسىمدىق بەرٸلگەن. وبلىس ەكٸمدٸگٸنٸڭ قولداۋىمەن اۋدان, قالا ەكٸمدەرٸ مەن كەسٸپكەرلەر كٶرشٸلەس ەلدەردٸڭ كەسٸپورىندارىن ارالاپ, ينۆەستورلارمەن كەلٸسسٶزدەر جٷرگٸزٸپ كەلەدٸ. بۇل كەزدەسۋلەر بٷگٸندە ٶز جەمٸسٸن بەرۋدە. ورداباسى اۋدانىندا بوي كٶتەرەتٸن زاۋىتتا قىتاي ەلٸنٸڭ تەجٸريبەسٸ مەن جوعارى تەحنولوگيياسى قولدانىلادى دەپ كٷتٸلۋدە. وبلىس ەكٸمٸ دارحان ساتىبالدى جوبانى ۋاقتىلى جٷزەگە اسىرۋ كەرەكتٸگٸن باسا ايتتى.
– شەتەلدٸڭ وزىق تەحنولوگييالارىن مەڭگەرٸپ, باتىل شەشٸمدەر قابىلداۋ كەرەك. بۇل زاۋىتتىڭ جوسپارلانعان مەرزٸمدە اشىلۋى قاداعالانادى. جۇمىس ٸستەيمٸن, حالىقتى جۇمىسپەن قامتيمىن دەيتٸن ينۆەستورلار مەن كەسٸپكەرلەرٸمٸزگە قولداۋ كٶرسەتٸلەدٸ. ەردايىم شارۋاسى شيراق, تٸرلٸگٸ مىعىم ايماق وزادى, – دەگەن دارحان ساتىبالدى جاڭا زاۋىتتىڭ كاپسۋلاسىن سالۋ رەسٸمٸنە قاتىستى.
ٸس-شارا بارىسىندا «Altyn land» جشس-نٸڭ ديرەكتورى بەرەكە دٷيسەبەكوۆ اتالمىش جوبانىڭ وبلىسقا تيگٸزەر پايداسىن سٶز ەتتٸ. ونىڭ ايتۋىنشا, قىش زاۋىتىندا زاماناۋي تەحنولوگييالار قولدانىلادى.
ماقتالى ٶڭٸر ەردايىم ماقتاۋلى بولماق
تٷركٸستان وبلىسى – رەسپۋبليكادا ماقتا داقىلىن ٶسٸرەتٸن جالعىز ٶڭٸر. ماقتا شارۋاشىلىقتارىندا 25 مىڭ اگروقۇرىلىمدا 70 مىڭعا جۋىق ادام ەڭبەك ەتەدٸ. بيىل ماقتا داقىلىنىڭ ەگٸس كٶلەمٸ 106,4 مىڭ گەكتاردى قۇرادى. بۇل – جالپى ەگٸستٸكتٸڭ 12 پايىزى.
وبلىستا ماقتا شارۋاشىلىعىن دامىتۋعا باسىمدىق بەرٸلگەن. بۇل باعىتتا تولىق تسيكلدٸ 9 ماقتا-توقىما كلاستەرٸن قۇرۋ جۇمىستارى باستالدى. ورداباسى اۋدانىندا دا ماقتا ٶنٸمدٸلٸگٸ مەن ساپاسىن ارتتىرۋ جۇمىستارى جىلدان-جىلعا جوعارىلاپ كەلەدٸ. ساپار بارىسىندا وبلىس ەكٸمٸ دارحان ساتىبالدى تٶرتكٷل اۋىلىندا ورنالاسقان ماقتا ٶڭدەۋ زاۋىتىنىڭ جۇمىسىمەن تانىستى. ٶڭٸر باسشىسى وبلىستاعى ماقتا كلاستەرٸن قۇرۋ باعىتىندا اۋقىمدى جۇمىستار اتقارىلىپ جاتقاندىعىن ايتا كەلە, ٶنٸم ساپاسىن ارتتىرۋعا, ينۆەستورلار تارتۋعا جان-جاقتى قولداۋ كٶرسەتٸلەتٸنٸن جەتكٸزدٸ.
سونداي-اق, كەزدەسۋدە زاۋىت باسشىسى جاڭا جوبالاردى تانىستىرىپ, الداعى جوسپارلارىمەن بٶلٸستٸ. ونىڭ ايتۋىنشا, كەسٸپورىندا ٶنٸمدٸلٸكتٸ جەنە ماقتا ساپاسىن ارتتىرۋ ماقساتىندا تٷركييالىق ۇرىقتار ەگٸلەدٸ. كەلەسٸ جىلدان باستاپ 250 گەكتار اۋماققا تامشىلاتىپ سۋارۋ تەحنيكالارىن ەندٸرۋ كٶزدەلٸپ وتىر. 2025-2026 جىلدارى زاۋىت قايتا جاڭعىرتۋدان ٶتكٸزٸلمەك. 2027 جىلى ماقتا كلاستەرٸن قۇرۋ جوسپارلانۋدا.
ايماقتا شاعىن جەنە ورتا كەسٸپكەرلٸك سالاسى جاقسى دامۋ ٷستٸندە. مەسەلەن, ماقتا تالشىعىن ٶندٸرەتٸن «نۇر-اگرو 73» جشس-ٸ ٶندٸرٸس قۋاتتىلىعى جىلىنا – 35 000 توننا مەجەنٸ كٶرسەتٸپ وتىر. جوبا قۇنى – 255 ملن. تەڭگە. جەكە كەسٸپكەر 300-دەن اسا ازاماتتى جۇمىسپەن قامتىپ وتىر.
