قازاقستان مەن قىتاي اراسىنداعى مەدەني-گۋمانيتارلىق جەنە بٸلٸم بەرۋ سالاسىنداعى ىنتىماقتاستىقتى ودان ەرٸ دامىتۋ, سونداي-اق ۇلى ابايدىڭ ەدەبي جەنە مۋزىكالىق مۇراسىن ناسيحاتتاۋ ماقساتىندا قازاقستاننىڭ شانحايداعى باس كونسۋلدىعى شانحاي كٸتاپحاناسىمەن بٸرلەسٸپ قىتايدىڭ ماڭىزدى مەدەني جەنە ەكونوميكالىق ورتالىعىندا العاشقى «اباي وقۋلارىن» ٶتكٸزدٸ. بۇل تۋرالى قر سٸم باسپاسٶز قىزمەتٸ حابارلادى.
اشىلۋ سالتاناتىندا قازاقستاننىڭ باس كونسۋلى راحىمجان راحيموۆ, كٸتاپحانا ديرەكتورى چەن چاو جەنە (بەيجٸڭنەن بەينەبايلانىس ارقىلى) قىتايدىڭ بەلگٸلٸ جازۋشىسى, اباي شىعارمالارىنىڭ اۋدارماشىسى اقبار مەجيت قۇتتىقتاۋ سٶز سٶيلەدٸ.
اباي وقۋلارىنىڭ باعدارلاماسىنا قازاقستان, قىتاي جەنە رەسەي ازاماتتارى بٸرنەشە تٸلدە ۇسىنعان ابايدىڭ تانىمال ەدەبي جەنە مۋزىكالىق شىعارمالارى ەندٸ. قىتاي تاريحشىسى جەنە ساياساتتانۋشىسى ازات يزوللاۇلى «كٶڭٸلٸم قايتتى دوستان دا, دۇشپاننان دا» ٶلەڭٸنەن ٷزٸندٸ وقىدى. قىتاي ەنشٸسٸ لين باو مەن رەسەيلٸك ەنشٸ نيكولاي شاموۆ «كٶزٸمنٸڭ قاراسى» جەنە «ايتتىم سەلەم قالامقاس» ەندەرٸن قازاق تٸلٸندە ورىندادى. قىتايلىق انتروپولوگ-عالىم چجان شان دومبىرا مەن سىبىزعىدا اسقان شەبەرلٸكپەن ٶنەر كٶرسەتتٸ.
ٸس-شارا اياسىندا باس كونسۋلدىق كٸتاپحانانىڭ قورىنا اباي شىعارمالارىنىڭ قىتاي تٸلٸندە جارىق كٶرگەن باسىلىمدارىن تابىستادى.
جالپى, العاشقى اباي وقۋلارى قىتاي تۇرعىندارىن ۇلى اقىن, ويشىل جەنە كومپوزيتوردىڭ شىعارمالارىمەن جاقىنىراق تانىستىرۋعا مٷمكٸندٸك بەرٸپ, قاتىسقان قوناقتاردىڭ جوعارى باعاسىنا يە بولدى.
اتاپ ايتقاندا, شانحاي ساياسي عىلىمدار جەنە قۇقىقتانۋ ۋنيۆەرسيتەتٸ جانىنداعى ەۋرازييا عىلىمي-زەرتتەۋ ينستيتۋتىنىڭ ديرەكتورى لي سيننٸڭ ايتۋىنشا, اباي شىعارمالارىندا تەرەڭ ماعىنا بار جەنە ٶتكەن ەدەبي باسقوسۋ ونىڭ ٶلەڭدەرٸ مەن ەندەرٸمەن جاندى ورىنداۋدا تانىسۋعا تاماشا مٷمكٸندٸك بەرٸلدٸ.
شانحاي قوعامدىق عىلىمدار اكادەميياسىنىڭ رەسەي مەن ورتالىق ازييانى زەرتتەۋ ورتالىعىنىڭ ديرەكتورى پان داۆەي پٸكٸرٸنشە, ٶتكٸزٸلگەن ٸس-شارا قازاقستان مەن قىتاي اراسىنادعى مەدەني-گۋمانيتارلىق قارىم-قاتىناستاردى نىعايتۋعا وڭ سەپتٸگٸن تيگٸزەدٸ.
شانحاي شەت تٸلدەر ۋنيۆەرسيتەتٸندە رەسەي, شىعىس ەۋروپا جەنە ورتالىق ازييا ينستيتۋتى ورتالىق ازييا تٸلدەرٸ فاكۋلتەتٸنٸڭ دەكانى ۋ ايچجۋن ۇيىمداستىرۋشىلارعا شىنايى ريزاشىلىعىن بٸلدٸرٸپ, بولاشاقتا جاڭا دا بٸرلەسكەن مەدەني-بٸلٸم بەرۋ ٸس-شارالارىن ٶتكٸزۋدٸ قولداۋعا دايىن ەكەندٸگٸن بٸلدٸردٸ.
بٸرٸنشٸ اباي وقۋلارىنا شانحاي جەنە نينبو قالالارى, چجەتسزيان پروۆينتسيياسى حالىق ٷكٸمەتتەرٸنٸڭ سىرتقى بايلانىستار باسقارمالارىنىڭ, شانحاي شەت ەلدەرمەن دوستىق قاۋىمداستىعىنىڭ, شانحاي قالاسىنىڭ حالىقارالىق ساۋداعا جەردەمدەسۋ جٶنٸندەگٸ كوميتەتٸنٸڭ, شانحاي قوعامدىق عىلىمدار اكادەميياسى, شانحاي حالىقارالىق زەرتتەۋلەر اكادەميياسى, شانحاي ساياسي عىلىمدار جەنە قۇقىقتانۋ ۋنيۆەرسيتەتٸ, شىعىس-قىتاي پەداگوگيكالىق ۋنيۆەرسيتەتٸ جەنە شانحاي شەت تٸلدەر ۋنيۆەرسيتەتٸ سيياقتى ٸرٸ عىلىمي زەرتتەۋ جەنە بٸلٸم بەرۋ ورتالىقتارىنىڭ باسشىلارى مەن ٶكٸلدەرٸ قاتىستى.
