استانا قالالىق ٸشكٸ ٸستەر دەپارتامەنتٸنٸڭ قىزمەتكەرلەرٸ ەيەل مەيٸتٸن سٶمكەگە سالىپ, «شانحاي» بازارىنا تاستاپ كەتكەن ەر ادامدى ۇستادى, دەپ حابارلايدى قازاقپارات دەپارتامەنتتٸڭ باسپاسٶز قىزمەتٸنە سٸلتەمە جاساپ.
13 قىركٷيەك كٷنٸ استاناداعى «شانحاي» بازارى ماڭىندا سٶمكە ٸشٸنەن ەيەل مەيٸتٸ تابىلعان ەدٸ. سول كٷنٸ پوليتسييا مەيٸتتٸڭ 26 جاستاعى ٶزبەكستان ازاماتشاسى ەكەنٸن انىقتادى.
دەپارتامەنتتٸڭ حابارلاۋىنشا, تەرگەۋ بارىسىندا تاعايىندالعان سوت-مەديتسينالىق ساراپتاما ەيەلدٸڭ ٸشكٸ ورگانداردىڭ تۋبەركۋلەزٸنەن قايتىس بولعانىن كٶرسەتكەن. پوليتسييا قىزمەتكەرلەرٸ جٷرگٸزگەن جەدەل-ٸزدەستٸرۋ شارالارى بارىسىندا 30 جاستاعى ەر ادام ۇستالدى.
«ٶز جاۋابىندا ەر ادام سوڭعى ٷش جىلدا مارقۇم ەيەلمەن ازاماتتىق نەكەدە تۇرعانىن, 2 جاسار ۇلى بار ەكەنٸن ايتتى. ەيەل اۋىر ناۋقاستان جالدامالى جاتاقحانا بٶلمەسٸندە كٶز جۇمعان. ونىڭ ٶزبەكستان ازاماتشاسى بولۋىنان جەنە جەرلەۋ رەسٸمٸنە قاراجات بولماعاندىقتان, ازاماتتىق كٷيەۋٸ مەيٸتتٸ سٶمكەگە سالىپ, بازار ماڭىنا تاستاپ كەتكەن. سول كٷنٸ استانا اۋماعىنان شىعىپ, ٸزٸن جاسىرعان», - دەلٸنگەن رەسمي حابارلامادا.
استانا پوليتسيياسى كٷدٸكتٸ ەر ادامدى تٷركٸستان وبلىسى اۋماعىنان تاپقان.
«قايتىس بولعان ەيەلدٸڭ بالاسىنا دا ٸزدەۋ سالىندى. سەبي تانىستارىنىڭ قاراۋىندا بولعان. بالا استانا قالاسىنىڭ كەمەلەتتٸك جاسقا تولماعانداردى بەيٸمدەۋ ورتالىعىنا ورنالاستىرىلدى», - دەپ حابارلادى استانا ٸٸد باسپاسٶز قىزمەتٸ.
