قر پرەزيدەنتٸنٸڭ قازاقستان حالقىنا جولداۋى تۋرالى پٸكٸر بٸلدٸرگەن جازۋشىلار وداعىنىڭ تٶراعاسى ۇلىقبەك ەسدەۋلەت سٷيٸنشٸ جاڭالىعىمەن بٶلٸستٸ, دەپ حابارلايدى قازاقپارات.
اقىننىڭ پٸكٸرٸنە زەر سالساق, كەلەر جىلى تويلاناتىن ٷش ٷلكەن داتانى اتاپ ٶتۋدٸڭ فورماتىنا جاڭاشىلدىق قاجەت.
«مەملەكەت باسشىسى ٶز جولداۋىندا رۋحانييات تاقىرىبىن دا اينالىپ ٶتپەدٸ. سونىڭ ٸشٸندە ەل-فارابي 1150 جىلدىعىن, ۇلى ابايدىڭ 175 جىلدىعىن, التىن وردانىڭ 750 جىلدىعىن تويلاۋ تۋرالى سٶز قوزعادى. بۇل عيبراتتى داتالار ۇرپاققا تەلٸم بەرۋٸمەن قۇندى. ياعني, ىسىراپشىلدىققا, استا-تٶك مەيماناسىنا, ماسايراۋعا جول بەرٸلمەۋٸ كەرەك. جولداۋدا دا بۇل شارالاردىڭ ۇرپاققا پايدالى, قوعامعا كەرەكتٸ, كەلەشەككە ٶنەگەلٸ جاقتارىن ۇستانۋ كەرەكتٸگٸ ايتىلدى. التىن وردانىڭ 750 جىلدىعىندا قازاق تاريحىنا ەلەم نازارىن تاعى بٸر اۋدارتۋ, سول ارقىلى تۋريزمدٸ دامىتۋ كٶزدەلگەنٸ دە كٶڭٸلدەن شىعىپ وتىر. ٶيتكەنٸ التىن وردانىڭ تاريحى – بٸزدٸڭ تاريح. بٸزدٸڭ تاريحىمىز – التىن وردانىڭ تاريحى», - دەيدٸ ۇ.ەسدەۋلەت.
جازۋشىلار وداعىنىڭ باسشىسى بۇل تالاپقا قالامگەر قاۋىم دا ٷلەس قوساتىنىن ايتادى.
«ٷش تويدى دا عيبراتتى ەتٸپ ٶتكٸزۋ كەرەك دەپ جاتىرمىز عوي. مىسالى, قىتايدىڭ شانحاي قالاسىنداعى بٸر باسپا مۇحتار ەۋەزوۆتٸڭ 10 تومدىعى مەن ابايدىڭ 1 تومدىعىن قىتاي تٸلٸنە اۋدارىپ شىعاراتىن بولدى. اتالمىش باسپا شىڭعىس ايتماتوۆتىڭ 10 تومدىعىن شىعارعان ەكەن. سونداعى اعايىندارىمىز ش.ايتماتوۆتىڭ ۇستازىن نەگە شىعارمايسىڭدار دەگەن ماعىنادا ۇسىنىس تاستاعان ەكەن, كەلٸسٸپتٸ. سونى ەستٸپ, م.ەۋەزوۆتٸڭ دە ۇستازىن شىعارىڭىزدار دەگەن وي ايتقانبىز. بٸردەن كەلٸسٸپ, ابايدىڭ 10 تومدىعىن شىعاراتىندارىن ايتتى. ابايدىڭ بارلىق شىعارماسى بٸر تومنان اسپايتىنىن تٷسٸندٸرٸپ, كەلٸسٸمگە كەلٸپ قايتتىق», - دەيدٸ ۇلىقبەك ەسدەۋلەت.
