الماتى وبلىسى شامالعان ستانساسىندا تەمٸرجول ٷستٸنەن ٶتەتٸن كٶپٸر سالىنىپ جاتىر, دەپ حابارلايدى قازاقپارات.
«QazAvtoJol» ۇلتتىق كومپانيياسى اق «ورتالىق-وڭتٷستٸك» باعىتىنداعى نۇر-سۇلتان – قاراعاندى – بالقاش - پريوزەرسك – بۋرىلبايتال - شۋ – الماتى ايماقتارىنداعى جولداردىڭ سالىنۋ بارىسىن تانىستىرىپ, كٶرسەتۋ ماقساتىندا باسپاسٶز تۋرىن ۇيىمداستىردى.
سونىڭ بارىسىندا الماتى وبلىسى شامالعان ستانساسىنداعى تەمٸرجول بويىنداعى كٶپٸر قۇرىلىسىنىڭ جۇمىسى تانىستىرىلدى.
«بٸز قازٸر شامالعاندا تۇرمىز. بۇل جەردە جول قۇرىلىسى جۇمىسى قىزۋ جٷرٸپ جاتىر. وقيعانى ەرٸدەن باستاساق, وسىدان 2 جىل بۇرىن وسى ستانسانىڭ تەمٸرجول ٶتكەلٸندە پويىز بەن اۆتوبۋس قاقتىعىسىپ, كٶلٸك اپاتى بولعان ەدٸ. سودان كەيٸن جولدى قايتا سالۋ مەسەلەسٸ قارالىپ, قازٸر جاڭا تەمٸرجول كٶپٸرٸ سالىنىپ جاتىر. سالىنىپ جاتقان جولدىڭ جالپى ۇزىندىعى 6 شاقىرىمدى, ال كٶپٸردٸڭ ۇزىندىعى 350 مەتردٸ قۇرايدى», - دەدٸ «QazAvtoJol» ۇلتتىق كومپانيياسى اق الماتى وبلىستىق فيليالىنىڭ باسشىسىنىڭ مٸندەتٸن اتقارۋشى بولاتبەك ايتباەۆ.
ونىڭ ايتۋىنشا, تەمٸرجولدىڭ ٷستٸنەن كٶپٸر سالۋ جولاۋشىلار جەنە تەمٸرجول قىزمەتٸ ٷشٸن دە وڭ شەشٸم.
«ەندٸگٸ ۋاقىتتا جاياۋ جٷرگٸنشٸلەر, كٶلٸك جەنە پويىز بٸر-بٸرٸنٸڭ قاتانىسىنا كەدەردٸ كەلتٸرمەيدٸ. باستىسى قاۋٸپسٸزدٸكتٸ قامتاماسىز ەتۋ. بۇل جەردەن كٷنٸنە 50 مىڭنان استام كٶلٸك ٶتەدٸ. كٶپٸر قۇرىلىسىن 250-دەن استام مامان جەنە 128 تەحنيكا جۇمىلدىرىلدى. جوبانى جىلدىڭ سوڭىنا دەيٸن اياقتاپ, حالىقتىڭ يگٸلٸگٸنە بەرۋ جوسپارى تۇر», - دەيدٸ ول.
ەسكە سالا كەتسەك, 2019 جىلدىڭ قىركٷيەك ايىندا شامالعان ستانساسىندا پويىز بەن اۆتوبۋس سوقتىعىسىپ, جول اپاتى بولدى. جولاۋشىلار اۆتوبۋسى رەلسكە شىعىپ كەتكەن. وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸنە جاتقىزىلعان ەدٸ.
قايعىلى وقيعادان سوڭ مەملەكەت باسشىسى قاسىم-جومارت توقاەۆ جاپا شەككەندەردٸڭ تۋعان-تۋىستارىنا كٶڭٸل ايتتى.
