فوتو: Tengrinews.kz/تۇرار قازانعاپوۆ
بٷگٸن "ارسەلور ميتتال تەمٸرتاۋ" كومپانيياسىنا قاراستى لەنين شاحتاسىندا تٶتەنشە جاعداي بولدى. مەتان جارىلىپ, ارتى ٶرتكە ۇلاسقان. اپات سالدارىنان بەس كەنشٸ قازا تاپتى.
قاراعاندى وبلىسىنىڭ ەكٸمٸ جەڭٸس قاسىمبەك شاحتادا قازا تاپقان كەنشٸلەردٸڭ وتباسىلارىنا قانداي ماتەريالدىق كٶمەك كٶرسەتٸلەتٸنٸن ايتتى, دەپ حابارلايدى "ۇلت اقپارات".
"زارداپ شەككەندەرگە بارلىق قاجەتتٸ مەديتسينالىق كٶمەك, ال ولاردىڭ وتباسىلارىنا پسيحولوگييالىق قولداۋ كٶرسەتٸلٸپ جاتىر. ەكٸمدٸك بارلىق كٶمەكتٸ كٶرسەتۋگە دايىن.
بۇدان بٶلەك, ۇجىمدىق كەلٸسٸمشارتقا سەيكەس, ولارعا 10 جىلدىق ەڭبەكاقى كٶلەمٸندە ماتەريالدىق كٶمەك كٶرسەتٸلٸپ, نەسيەلەرٸ جابىلادى جەنە بالالاردى وقىتۋ شىعىندارى ٶتەلەدٸ. سونىمەن قاتار, بيىلدان باستاپ ۇجىمدىق كەلٸسٸمشارتقا قازا تاپقانداردىڭ وتباسىلارىنا باسپانا ساتىپ الۋ تۋرالى تارماق ەنگٸزٸلدٸ.
جالپى, ماتەريالدىق جەنە قارجىلاي كٶمەك تولىعىمەن كٶرسەتٸلەدٸ", - دەدٸ قاسىمبەك ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە.
