الماتىدا 18 جاسقا دەيٸنگٸ بالالار اراسىندا شاحماتتان ٶتكەن قازاقستان چەمپيوناتىندا 6 جاسقا دەيٸنگٸ توپتا پاۆلودارلىق ەلسيد ەلمۋرزيەۆ جەڭٸمپاز اتاندى, - دەپ حابارلايدى pavlodarnews.kz.
شاحماتتان پاۆلودار وبلىسىنىڭ اعا باپكەرٸ ارمان گابدۋشەۆ بەس جاسار بٷلدٸرشٸن مۇنداي قارقىندى ٶنەر كٶرسەتەدٸ دەپ ويلاماعان. - ەلسيدتٸڭ نەتيجەسٸ قاتتى قۋانتتى, - دەدٸ ارمان گابدۋشەۆ. – بۇل جاستاعى توپتا كٶپتەن بەرٸ بٸزدٸڭ سپورتشىلار جەڭٸمپاز اتانباعان ەدٸ. باسىندا ەلسيد كٶش باستاپ كەلە جاتىپ, قاتارىنان 2 رەت جەڭٸلٸسكە ۇشىرادى. ودان كەيٸن ٶزٸن قولىنا الىپ, 2 ويىندا ۇتىپ, 1-ورىنعا قول جەتكٸزدٸ. بۇلاي ەرەكشە ٶنەر كٶرسەتەدٸ دەپ كٷتپەگەن ەدٸك. سونىمەن قاتار, اتالعان چەمپيوناتتا 8 جاسقا دەيٸنگٸ توپتا تاعى بٸر پاۆلودارلىق احمەت سۋلەيمان 3-ورىندى يەلەندٸ. - 8 جاسقا دەيٸنگٸ توپتا 6 جاستاعىلاردان قاراعاندا كٶپ قاتىسۋشى بولادى, - دەدٸ اعا باپكەر. – سەيكەسٸنشە, بەسەكەلەستٸك جوعارى. سۋلەيماننىڭ 3-ورىن الۋى - ٶتە جاقسى نەتيجە.
ايتا كەتەيٸك, شاحماتتان 18 جاسقا دەيٸنگٸ بالالار اراسىنداعى قازاقستان چەمپيوناتىندا جاس ەرەكشەلٸكتەرٸنە قاراي 6 توپتا 872 سپورتشى باق سىنادى. پاۆلودار وبلىسىنان 37 جاس شاحماتشى قاتىستى.
