Almatyda 18 jasqa deiingi balalar arasynda shahmattan ótken Qazaqstan chempionatynda 6 jasqa deiingi topta pavlodarlyq Elsid Elmýrziev jeńimpaz atandy, - dep habarlaidy pavlodarnews.kz.
Shahmattan Pavlodar oblysynyń aǵa bapkeri Arman Gabdýshev bes jasar búldirshin mundai qarqyndy óner kórsetedi dep oilamaǵan. - Elsidtiń nátijesi qatty qýantty, - dedi Arman Gabdýshev. – Bul jastaǵy topta kópten beri bizdiń sportshylar jeńimpaz atanbaǵan edi. Basynda Elsid kósh bastap kele jatyp, qatarynan 2 ret jeńiliske ushyrady. Odan keiin ózin qolyna alyp, 2 oiynda utyp, 1-orynǵa qol jetkizdi. Bulai erekshe óner kórsetedi dep kútpegen edik. Sonymen qatar, atalǵan chempionatta 8 jasqa deiingi topta taǵy bir pavlodarlyq Ahmet Sýleiman 3-oryndy ielendi. - 8 jasqa deiingi topta 6 jastaǵylardan qaraǵanda kóp qatysýshy bolady, - dedi aǵa bapker. – Sáikesinshe, básekelestik joǵary. Sýleimannyń 3-oryn alýy - óte jaqsy nátije.
Aita keteiik, shahmattan 18 jasqa deiingi balalar arasyndaǵy Qazaqstan chempionatynda jas erekshelikterine qarai 6 topta 872 sportshy baq synady. Pavlodar oblysynan 37 jas shahmatshy qatysty.
