فوتو اشىق دەرەككٶزدەن الىندى
قر باس پروكۋرورى بەرٸك اسىلوۆ مەجٸلٸستە قاڭتار وقيعاسىندا شابۋىلداۋشىلارعا قانداي جاعدايدا وق اتىلعانىن تٷسٸندٸردٸ, دەپ حابارلايدى قازاقپارات.
7 قاڭتاردا مەملەكەت باسشىسى قاسىم-جومارت توقاەۆ تەررورشىلاردى ەسكەرتۋسٸز اتىپ ٶلتٸرۋگە بۇيرىق بەردٸ.
«قۇرمەتتٸ دەپۋتاتتار! شابۋىلداۋشىلارعا وق اتۋ پرەزيدەنتتٸڭ ەيگٸلٸ مەلٸمدەمەسٸنەن بۇرىن باستالدى. بۇل زاڭ نورمالارى ارقىلى رەتتەلگەن. وسى تۇستا كٷشتٸك قۇرىلىم قىزمەتكەرلەرٸ اتىس قارۋىن بٸرٸنشٸ رەت الماتىداعى پرەزيدەنت رەزيدەنتسيياسىن قورعاۋ كەزٸندە – 5 قاڭتار كٷنٸ ساعات 16:00 شاماسىندا قولدانعانىنا ەرەكشە نازار اۋدارعىم كەلەدٸ. ودان سوڭ پوليتسييا مەن ەكٸمدٸكتەر عيماراتتارىنا جەنە باسقا دا وبەكتٸلەرگە شابۋىل جاسالعاندا, ياعني تەرتٸپسٸزدٸكتەر كٷش كٶرسەتۋ ساتىسىنا ٶتكەن كەزدە قۇقىق قورعاۋ ورگاندارىنىڭ قىزمەتكەرلەرٸ قارۋ قولدانعان», - دەدٸ بەرٸك اسىلوۆ مەجٸلٸستٸڭ بٷگٸنگٸ وتىرىسىندا.
كەيٸن قالالاردى قارۋلى سودىرلاردان «تازالاۋ» كەزٸندە قارۋ قولدانىلدى.
«دەمەك, شابۋىلداۋشىلارعا قارسى وق اتۋ پرەزيدەنتتٸڭ بەلگٸلٸ مەلٸمدەمەسٸنەن ەدەۋٸر بۇرىن بولعان. بۇل جاعداي تۋرالى بارلىق ديسكۋسسييا قوعامدىق پٸكٸردٸ ەدەيٸ باسقا باعىتقا بۇرۋدا. ٸس جٷزٸندە, قىلمىسكەرلەرگە وق اتۋ ٷشٸن كٷشتٸك قۇرىلىمدارعا ارنايى بۇيرىق قاجەت ەمەس. بۇل تۋرالى: قۇقىق قورعاۋ قىزمەتٸ تۋرالى; ۇلتتىق گۆاردييا تۋرالى; تەرروريزمگە قارسى ٸس-قيمىل تۋرالى زاڭداردا تٸكەلەي نورمالار بار. ولار ادامداردىڭ ٶمٸرٸ مەن دەنساۋلىعىنا قاتەر تٶنگەن جاعدايدا شابۋىلدى تويتارۋ ٷشٸن اتىس قارۋىن قولدانۋعا مٷمكٸندٸك بەرەدٸ. دەل سونداي قاتەرلٸ جاعداي 5 قاڭتار كٷنٸ بولىپ, 8 قاڭتارعا دەيٸن, ياعني جاعداي تۇراقتالعانعا دەيٸن جالعاستى», - دەدٸ بەرٸك اسىلوۆ.
تەرتٸپسٸزدٸكتەر مەن ودان كەيٸنگٸ تٶڭكەرٸس جاساۋ ەرەكەتٸ مۇقييات جوسپارلانعان. «قاڭتار وقيعالارىنا» دايىندىق بٷكٸل 2021 جىل بويى جاسىرىن تٷردە جٷرگٸزٸلگەن. بۇل جۇمىستى كٷش قۇرىلىمدارىنىڭ جەكەلەگەن ٶكٸلدەرٸنٸڭ باسشىلىعىمەن ادامداردى جيناپ, قارۋ-جاراق, راتسييا جەنە كٶلٸك ساتىپ العان تٷرلٸ ۇقت مٷشەلەرٸ جٷرگٸزگەن.
