اكادەميك ە.بٶكەتوۆ اتىنداعى قاراعاندى مەملەكەتتٸك ۋنيۆەرسيتەتٸندە اقىن, جازۋشى, قوعام جەنە مەملەكەت قايراتكەرٸ سەكەن سەيفۋلليننٸڭ 125 جىلدىعىنا ارنالعان «سەكەن سەيفۋللين: ۇلتتىق رۋح جەنە ۇرپاقتار ساباقتاستىعى» اتتى حالىقارالىق عىلىمي-پراكتيكالىق كونفەرەنتسييا ٶتتٸ.
القالى جيىنعا قاراعاندى وبلىسىنىڭ ەكٸمٸ جەڭٸس قاسىمبەك, قوعام جەنە مەملەكەت قايراتكەرٸ ورالباي ەبدٸكەرٸموۆ, اقىن, قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت, «تٷركسوي» تٷركٸ مەدەنيەتٸ مەن ٶنەرٸن دامىتۋ جٶنٸندەگٸ حالىقارالىق ۇيىمنىڭ باس حاتشىسى دٷيسەن قاسەيٸنوۆ, ۇلتتىق عىلىم اكادەميياسىنىڭ اكادەميگٸ حانگەلدٸ ەبجانوۆ, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ پروفەسسورى كٷلەش احمەت, سونداي-اق بەلگٸلٸ لينگۆيستەر, ەدەبيەتتانۋشىلار, تاريحشىلار, حالىقارالىق ۇيىمداردىڭ باسشىلارى, جوو وقىتۋشىلارى, ماگيسترانتتار مەن ستۋدەنتتەر قاتىستى.
كونفەرەنتسييا بارىسىندا «ٷش ارىس» كٸتاپ-البومى مەن «سەكەن سەيفۋللين – مەملەكەتتٸك تۇلعا» اتتى كٸتاپتىڭ تۇساۋكەسەر رەسٸمٸ ۇيىمداستىرىلدى. العاشقى اتالعان ەڭبەك سەكەن سەيفۋلليننٸڭ, ٸليياس جانسٷگٸروۆتٸڭ جەنە بەيٸمبەت مايليننٸڭ 125 جىلدىعىنا ارنالعان. كٸتاپ-البوم «تٷركسوي» حالىقارالىق ۇيىمىنىڭ تاپسىرىسى بويىنشا قازاق جەنە ورىس تٸلدەرٸندە جارىققا شىققان.
– بٸزدٸڭ ۇيىمنىڭ باستى ماقساتى – تٷركٸ حالىقتارىنىڭ ورتاق مەدەني مۇراسىن ەلەمدٸك ارەناعا شىعارۋ. ٷش جازۋشىمىزدىڭ شىعارماشىلىعىن سۋرەتتەر مەن شىعارمالارى ارقىلى كٶرسەتۋ ٷشٸن كٸتاپ-البوم شىعارۋعا شەشٸم قابىلدادىق, – دەدٸ «تٷركسوي» تٷركٸ مەدەنيەتٸ مەن ٶنەرٸن دامىتۋ جٶنٸندەگٸ حالىقارالىق ۇيىمنىڭ باس حاتشىسى دٷيسەن قاسەيٸنوۆ.
ال حانگەلدٸ ەبجانوۆ, سەرٸك وسپانوۆ جەنە تەمٸرعالي ارشابەكوۆ بٸرٸگٸپ جازعان «سەكەن سەيفۋللين – مەملەكەتتٸك تۇلعا» قاراعاندى وبلىستىق مەدەنيەت, مۇراعاتتار جەنە قۇجاتتاما باسقارماسىنىڭ باستاماسىمەن جارىق كٶردٸ.
بۇل ەڭبەكتە ومبى ارحيۆٸنەن جەنە الماتىداعى پرەزيدەنتتٸك مۇراعاتتان الىنعان ماتەريالداردى كەڭٸنەن پايدالانعان اۆتورلار سەكەن سەيفۋلليننٸڭ تۇلعاسىن مەملەكەت قايراتكەرٸ رەتٸندە كٶرسەتۋگە تىرىسقان.
جالپى, اتالعان كونفەرەنتسييا ماتەريالدارىنىڭ جيناعىنا كەلٸپ تٷسكەن 120 عىلىمي ماقالانىڭ ٸشٸنەن 95 جۇمىس ٸرٸكتەلٸپ الىنىپتى. سەكتسييالىق وتىرىستاردا قاتىسۋشىلار «سەكەن سەيفۋلليننٸڭ مەملەكەت جەنە قوعام قايراتكەرٸ رەتٸندەگٸ تاريحي بەينەسٸ», «جاھاندانۋ دەۋٸرٸندەگٸ تٸل بٸلٸمٸنٸڭ ٶزەكتٸ مەسەلەلەرٸ» جەنە «قازاق ەدەبيەتٸنٸڭ دامۋ تاريحى: كەشە جەنە بٷگٸن» اتتى تاقىرىپتاردا پٸكٸر الماستى.
كونفەرەنتسييا اياسىندا سەكەن سەيفۋلليننٸڭ جەكە زاتتارىنىڭ, سونداي-اق مۇراجاي ەكسپوناتتارى مەن كٸتاپتارىنىڭ, مۇراعات ماتەريالدارىنىڭ كٶرمەسٸ ۇيىمداستىرىلدى.
