الماتى وبلىسىنىڭ تاۋلارىندا, سەۆەرتسەۆ مۇزدىعى ماڭىنان تابىلعان بەلگٸسٸز ادامنىڭ مەيٸتٸ تاۋدان ەۆاكۋاتسييالاندى. قۇتقارۋ جۇمىستارىنا تٸكۇشاق جۇمىلدىرىلدى, دەپ حابارلايدى ult.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, تالعار اۋدانىنداعى سەۆەرتسەۆ مۇزدىعى ماڭىندا, شامامەن 3400 مەتر بيٸكتٸكتە تۋريستەر اتى-جٶنٸ ەزٸرگە انىقتالماعان ادامنىڭ دەنەسٸن بايقاپ, بۇل تۋرالى قۇتقارۋشىلارعا حابارلاعان.
وقيعا ورنىنا جەتكەن تجم قۇتقارۋشىلارى مەيٸتتٸ تاۋدىڭ جەتۋٸ قيىن ۋچاسكەسٸنەن الىپ شىقتى. قۇتقارۋ جۇمىستارى بارىسىندا «قازاۆياقۇتقارۋ» اق-نىڭ تٸكۇشاعى پايدالانىلدى.
ەۆاكۋاتسييادان كەيٸن مەيٸت الماتى وبلىسىنىڭ جەدەل-تەرگەۋ توبىنا تاپسىرىلدى. قازٸر قازا تاپقان ادامنىڭ جەكە باسى مەن ٶلٸمٸنٸڭ مەن-جايى انىقتالىپ جاتىر.
وسىعان بايلانىستى تجم تاۋعا شىعاتىن تۋريستەرگە قاۋٸپسٸزدٸك شارالارىن قاتاڭ ساقتاۋدى ەسكەرتتٸ. ماماندار جورىق الدىندا مارشرۋتتى مۇقييات زەرتتەپ, اۋا رايىن ەسكەرٸپ, ٶزدەرٸنٸڭ فيزيكالىق دايىندىعىن وبەكتيۆتٸ باعالاۋعا شاقىرادى.
سونداي-اق تۋريستەر جوسپارلانعان مارشرۋت پەن قايتۋ ۋاقىتىن جاقىندارىنا الدىن الا حابارلاپ, بايلانىس قۇرالدارى مەن قاجەتتٸ جابدىقتاردى الىپ جٷرۋٸ كەرەك. تٶتەنشە جاعداي بولعان جاعدايدا 112 نٶمٸرٸنە دەرەۋ حابارلاسۋ قاجەت.
