سىرتقى ٸستەر مينيسترلٸگٸ ٶكٸلدەرٸ سەۋلدە حەللوۋين مەرەكەسٸ كەزٸندە قازا تاپقان قازاقستاندىقتىڭ دەنەسٸن ەلگە جەتكٸزۋ ٷشٸن قاراجات جيناۋعا قاتىستى پٸكٸر بٸلدٸردٸ, - دەپ حابارلايدى Massaget.kz پورتالى.
سٸم رەسمي ٶكٸلٸ ايبەك سماديياروۆ بۇل وقيعادان كەيٸنگٸ كٷنٸ كورەيانىڭ سىرتقى ٸستەر مينيسترلٸگٸمەن كەلٸسسٶزدەر جٷرگٸزٸلگەنٸن جەنە قازا تاپقان ستۋدەنتتٸڭ دەنەسٸن اقتٶبەگە جەتكٸزۋ بويىنشا بارلىق شىعىندى كورەي تاراپى كٶتەرەتٸنٸ تۋرالى ۋاعدالاستىققا قول جەتكٸزٸلگەنٸن ايتتى.
"بۇل - قايعىلى جاعداي, مەسەلەنٸڭ باسىن اشۋ قيىن بولدى. سەۋلدەگٸ ەلشٸلٸگٸمٸز قولدان كەلگەننٸڭ بەرٸن جاسادى. مەيٸت 3 قاراشادا الماتىعا, 4 قاراشادا اقتٶبەگە جەتكٸزٸلدٸ. كەيبٸر بۇقارالىق اقپارات قۇرالدارىندا 1 قاراشادا مەيٸت جەتكٸزٸلدٸ دەگەن تەكسەرٸلمەگەن اقپارات تارادى. ٶكٸنٸشكە قاراي, وسى ٶلٸمنەن اقشا تابۋعا تىرىسقان جەنە ەلەۋمەتتٸك جەلٸلەردە قانداي دا بٸر قاراجات جيناۋدى جارييالاعان ادامدار بار. بٸز كورەي تاراپى دەنەنٸ جەتكٸزۋدەگٸ بارلىق شىعىندى تولىعىمەن ٶتەگەنٸن مەلٸمدەيمٸز. قازا تاپقان ستۋدەنتتٸڭ دەنەسٸن قازاقستانعا جەتكٸزۋ ٷشٸن اقشا جەتكٸلٸكسٸز دەگەن اقپارات شىندىققا جاناسپايدى", - دەپ تٷسٸندٸردٸ سٸم ٶكٸلٸ.
ەسكە سالايىق, 29 قازاندا تٷستەن كەيٸن 100 مىڭعا جۋىق ادام حەللوۋيننٸڭ العاشقى دەمالىسىن اتاپ ٶتۋ ٷشٸن ويىن-ساۋىق اۋدانىندا بولعان. وسىلايشا, قىسىم سالدارىنان 50 ادامنىڭ جٷرەگٸ توقتاپ قالعان.
كەيٸنٸرەك حەللوۋيندٸ تويلاۋ كەزٸندە 155 ادام قايتىس بولىپ, 82 ادام جارالانعانى حابارلانعان بولاتىن. قازا تاپقاندار ٸشٸندە قازاقستاندىق قىز دا بار.
