بٷگٸن ٷكٸمەت وتىرىسىندا بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين قۇرىلىس ماتەريالدارىنىڭ قۇنى نە سەبەپتٸ ٶسكەنٸن تٷسٸندٸردٸ, دەپ حابارلايدى قازاقپارات.
«جىل باسىنان بەرٸ وتاندىق قۇرىلىس ماتەريالدارى باعاسىنىڭ ٶسۋٸ 25 پايىزدى قۇرادى. قۇرىلىس ماتەريالدارى باعاسىنىڭ نەگٸزگٸ ٶسۋٸ سىرتقى نارىقتارداعى باعا جاعدايىمەن نەگٸزدەلگەن. بۇل ٶزگەرٸستەر ارماتۋرا (ٶسٸم 45%), كابەل (20%), پروفليست (70%), شىنى (35%) جەنە باسقا دا ماتەريالدار قۇنىنا ەسەر ەتتٸ», - دەدٸ س. جۇمانعارين.
ونىڭ ايتۋىنشا, باعانىڭ ٶسۋٸنٸڭ نەگٸزٸندە ەلەكتر ەنەرگيياسىنا تاريفتەردٸڭ ورتاشا - 12%-عا, جانار-جاعارماي - 15%-عا, ەنەرگەتيكالىق كٶمٸرگە -10%-عا, تەمٸرجول تاسىمالدارىنا - 18%-عا ٶسۋٸ سيياقتى وبەكتيۆتٸ فاكتورلار بار. ولار وتاندىق ٶندٸرٸستٸڭ قۇرىلىس ماتەريالدارى باعاسىنىڭ ٶسۋٸنە تٸكەلەي ەسەر ەتتٸ. قۇرىلىس ماتەريالدارىنىڭ ٶزٸندٸك قۇنىنداعى وسى شىعىنداردىڭ ٷلەسٸ 15-تەن 30% - عا دەيٸن قۇرايدى.
«باعانى كٶتەرۋدٸڭ نەگٸزدٸلٸگٸن قاراۋ جەنە سٶز بايلاسۋ بەلگٸلەرٸن بەلگٸلەۋ ماقساتىندا قۇرىلىس ماتەريالدارىنىڭ 25 تٷرٸ (كٸرپٸش, بەتون, ارماتۋرا, تسەمەنت جەنە ت.ب.) بويىنشا قۇرىلىس ماتەريالدارى نارىقتارىنداعى بەسەكەلەستٸكتٸڭ جاي-كٷيٸنە تالداۋ جٷرگٸزٸلٸپ جاتىر. تالاپتاردى بۇزۋ بەلگٸلەرٸن جويۋ جەنە باعانى تٶمەندەتۋ قاجەتتٸلٸگٸ تۋرالى 75 حابارلاما جولداندى. بٷگٸنگٸ تاڭدا 42 كومپانييا حابارلامانى ورىندادى. ونىڭ ٸشٸندە 35 كومپانييا باعانى تٶمەندەتتٸ: ارماتۋراعا – 25%, تسەمەنتكە – 10%, بەتونعا – 10%, پوليەتيلەندٸ قۇبىرلارعا – 6%, كابەلگە – 5-تەن 14% - عا دەيٸن, كٸرپٸشكە - 3%. سونىمەن قاتار بۇل باعىتتا 10 تەرگەپ-تەكسەرۋ جۇمىستارى جٷرگٸزٸلٸپ جاتىر», - دەدٸ اگەنتتٸك باسشىسى.
ونىڭ سٶزٸنە قاراعاندا, مونوپوليياعا قارسى باقىلاۋ شارالارىنىڭ نەتيجەسٸندە رەسپۋبليكا بويىنشا باعا ٶسۋٸنٸڭ اي سايىنعى ترەندٸ ماۋسىم ايىنداعى 4,2 پايىزدان شٸلدە ايىندا 1,7 پايىزعا دەيٸن تٶمەندەتٸلدٸ.
