قر مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ كوميتەتٸنٸڭ تٶراعاسى سەرٸك سەپيەۆ قازاقستاندىق شاڭعىشى الەكسەي پولتورانيننٸڭ باسىنداعى داۋعا قاتىستى جاعدايدىڭ قانداي بولىپ جاتقانىن ايتىپ بەردٸ, دەپ حابارلايدى قازاقپارات تٸلشٸسٸ.
«ودان اۋسترييالىق پوليتسييا جاۋاپ الدى. بەلكٸم, ول ماتەريالداردى WADA-عا جٶنەلتٸلگەن دە شىعار. WADA ەلٸ دە تەرگەۋ جٷرگٸزٸپ جاتىر. تەرگەۋدٸڭ قاشانعا دەيٸن جالعاساتىنىن بٸلمەيمٸز. ونى سايىستارعا سپورتشى رەتٸندە قاتىسۋ مٷمكٸندٸگٸ توقتاتىلىپ وتىر. بٸز ەلٸ دە كٷتٸپ وتىرمىز», - دەدٸ سەرٸك سەپيەۆ مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸندە ٶتكەن باسپاسٶز مەسليحاتىنان كەيٸن تٸلشٸلەرگە سۇراقتارىنا بەرگەن جاۋابىندا.
ونىڭ ايتۋىنشا, تەرگەۋ امالدارى ۇزاققا سوزىلىپ كەتەتٸن بولسا, مينيسترلٸك ناقتى شەشٸمنٸڭ قاشان جارييالاناتىنى جايلى سۇراقپەن WADA-عا شىعاتىن بولادى.
- پولتورانين مەن باپكەرٸنە ەلگە كەلٸپ, جاعدايدى تٷسٸندٸرۋدٸ تالاپ ەتتٸڭٸزدەر مە?
- مەنٸڭ ويىمشا, ول جاقىندا كەلٸپ, بەلكٸم كەڭ-مولىنان سۇحبات بەرەدٸ. ەزٸرگە ول دەمالىپ جاتىر. مەنٸڭ توپشىلاۋىمشا, ول ەشكٸممەن كەزدەسكٸسٸ كەلمەيتٸن سەكٸلدٸ.
- سٸز ول جاعدايدان بەرٸ الەكسەيمەن سٶيلەستٸڭٸز بە?
- بٸز ونىمەن بٸرنەشە رەت سٶيلەستٸك. مورالدىق تۇرعىدان قولداۋ بٸلدٸردٸم. قاشان ۇشىپ كەلەتٸنٸن سۇرامادىم.
- ونىڭ مەسكەۋدە تۋىستارى بار ما?
- يە.
- مەدەنيەت جەنە سپورت مينيسترلٸگٸ ايىپپۇل سانكتسييالارىن ەنگٸزۋدٸ ويلاستىرىپ جاتقان جوق پا?
- جوق, ەلبەتتە. ەزٸرگە قاراستىرىپ جاتقان جوقپىز.
- ەكيپيروۆكانى قايتارۋ سەكٸلدٸ رەگلامەنتتەر ورىندالا ما?
- قازٸرگٸ ۋاقىتتا قانداي دا بٸر ايىپپۇل نەمەسە قايتارىم, ەكٸمشٸلٸك تەركٸلەۋ قاراستىرىلماعان. جۋىردا انتيدوپينگتٸك ەرەجە بويىنشا زاڭ كٷشٸنە ەنەدٸ...
- دەمەك, ول مەسكەۋدە جاتىپ الىپ ەشكٸممەن بايلانىسقا شىقپاۋ قۇقىعىنا يە مە?
- جوق, ونداي قۇقىعى جوق.
- مينيستر (ارىستانبەك مۇحامەديۇلى - اۆت.) پولتورانيننٸڭ رەسمي مەلٸمدەمە جاسايتىنىن ايتقان ەدٸ. دەسە دە, ەلٸ سپورتشى ٷنسٸز...
- بٸز ادامدى مەجبٷرلەي المايمىز. كەلٸپ, باسپاسٶز مەسليحاتىندا جاعدايدى تٷسٸندٸرەر دەپ ويلادىق. ەزٸرگە كٷتٸپ وتىرمىز. مەنٸڭ ويىمشا, ول بەرٸبٸر كەلٸپ, جاعدايدى تٷسٸندٸرەدٸ.
ەسكە سالا كەتسەك, 27 اقپاندا نەمٸس جۋرناليسٸ حايو زەپپەلت تۋيتتەردە اۋسترييانىڭ زەەفەلدە قالاسىندا شاڭعى جارىسىنان ٶتٸپ جاتقان ەلەم چەمپيوناتىندا قازاقستان, اۋسترييا مەن ەستونييا سپورتشىلارى انتيدوپينگتٸك ەرەجەلەردٸ بۇزدى دەگەن كٷدٸككە ٸلٸنگەنٸن جازدى. ولاردىڭ قاتارىندا الەكسەي پولتورانين دا بار. سپورتشىنىڭ باپكەرٸ اتالمىش وقيعاعا بايلانىستى مەلٸمدەمە جاساعان ەدٸ.
