مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ توكيو وليمپياداسىندا ەل نامىسىن قورعاعان بوكسشىلاردىڭ ٶنەرٸنە باعاسىن بەردٸ, دەپ حابارلايدى قازاقپارات.
«بوكس بويىنشا التىن مەدال بولماعاندىقتان جاعدايدى ناشار دەر ەدٸم. بۇعان دەيٸن وليمپيادا ويىندارىندا التىن جٷلدە بولاتىن. جالپى تٶرەلٸك بارىنشا وبەكتيۆتٸ تٷردە بولدى دەپ ايتا الامىن.
دەگەنمەن بٷگٸنگٸ جارتىلاي فينالدا مەن بيبوسىنوۆ جەڭدٸ دەپ بٸلەمٸن. بٸرٸنشٸ راۋندتا سوققىنى جٸبەرٸپ العاندىقتان, تٶرەشٸلەردٸڭ بەرٸ بٸردەي ۇپايدى سەكەننٸڭ قارسىلاسى بولعان اعىلشىن بوكسشىسىنا بەردٸ. ال ەكٸنشٸ راۋندتا 2:3 ەسەبٸمەن بٸزدٸڭ سپورتشى باسىم تٷستٸ. ٷشٸنشٸ راۋندتا تٶرەشٸ 3:2 ۇپايمەن جەڭٸستٸ بيبوسىنوۆقا بەردٸ.
تٶرەشٸلەر ەدٸل باعا بەردٸ مە, جاۋاپتى سولاردىڭ ار-ۇياتىنا قالدىردىق, جەكە مەنٸڭ ويىم – سەكەن جەڭدٸ. ونىڭ «التىن» الۋ مٷمكٸندٸگٸ بار ەدٸ», - دەدٸ سەرٸك سەپيەۆ ورتالىق كوممۋنيكالار قىزمەتٸندە ونلاين ٶتكەن باسپاسٶز مەسليحاتىندا.
ونىڭ ايتۋىنشا, توكيو وليمپيادا ويىندارىندا بوكسشىلار جوعارى ٶنەر كٶرسەتە المادى.
«باسقا بوكسشىلاردىڭ دا نەتيجەسٸ مەز ەمەس, كەيبٸر سپورتشىلار تيٸستٸ دەڭگەيدەگٸ دايىندىقپەن كەلمەدٸ. جالپى بوكسشىلار وليمپيادادا «التىن» الماعاندىقتان, كٶرسەتكٸش ناشار دەپ ەسەپتەيمٸن», - دەيدٸ ول.
