قازاقستاندىق بوكسشى سەرٸك ساپيەۆ مارقۇم دەنيس تەننٸڭ وتباسى مەن جاقىندارىنا قايعىرىپ كٶڭٸل ايتتى, دەپ حابارلايدى قازاقپارات تٸلشٸسٸ.
«قازاقستاندىق سپورتشىلار اتىنان قازاعا قايعىرىپ كٶڭٸل ايتامىز. دەنيس بٸزدٸڭ جٷرەگٸمٸزدە مəڭگٸ ساقتالادى. وسىدان بٸراز جىل بۇرىن «دەنيس جəنە ونىڭ دوستارى» شوۋىن ٶتكٸزگەنٸمٸز ەسٸمدە. وسى شارانى مەن جٷرگٸزگەن بولاتىنمىن. دەنيسپەن سول كەزدە جاقىن تانىستىم. سوندا ونىڭ شىنايى, مەيٸرٸمدٸ, ينتەللەگەنتتٸ, رۋحى مىقتى ادام ەكەنٸن بايقادىم», - دەدٸ سەرٸك ساپيەۆ بٷگٸن الماتىدا.
قازاقستاندىق مəنەرلەپ سىرعاناۋشى, وليمپيادا ويىندارىنىڭ جٷلدەگەرٸ دەنيس تەندٸ اقتىق ساپارعا شىعارىپ سالۋ رəسٸمٸ ٶتتٸ.
ساعات 11.20-دا ونىڭ دەنەسٸن بالۋان شولاق اتىنداعى سپورت سارايىنان الىپ شىقتى. سپورتشىنى «درۋجبا» اۋىلىندا جەرلەيدٸ.
ەسكە سالا كەتسەك, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
