اۆسترييانىڭ وبەرۆارت قالاسىندا ٶتكەن ەۋروپا كۋبوگٸندە قازاقستاندىق سەرٸك سەلمەنوۆ قولا جٷلدەگەر اتاندى, دەپ حابارلايدى Olympic.kz.
100 كەلٸگە دەيٸنگٸ سالماقتا بەلدەسكەن بالۋان كٸشٸ فينالدا شۆەيتسارييالىق يمالا وتتونى جەڭدٸ. جارىس بارىسىندا ول بارلىعى 5 كەزدەسۋ ٶتكٸزٸپ, ونىڭ تٶرتەۋٸندە جەڭٸسكە جەتتٸ. تەك جارتىلاي فينالدا برازيلييا ٶكٸلٸ رافاەل بۋزاكارينيگە ەسە جٸبەردٸ.
ايتا كەتەرلٸگٸ, وبەرۆارتتا ٶتكەن ەۋروپا كۋبوگٸن قازاقستان قۇراماسى ەكٸ قولا جٷلدەمەن اياقتادى. جارىستىڭ بٸرٸنشٸ كٷنٸندە قانات سەيٸلحان (60 كگ) قولا جٷلدەنٸ قورجىنعا سالعان ەدٸ.
