فوتو: informburo.kz
الماتى وبلىسى پوليتسييا دەپارتامەنتٸنٸڭ بۇرىنعى باستىعى سەرٸك كٷدەباەۆقا سوت ٷكٸمٸ شىقتى, - دەپ حابارلايدى "ۇلت اقپارات".
تالدىقورعان سوتىنىڭ ٷكٸمٸمەن سەرٸك كٷدەباەۆ 10 جىلعا باس بوستاندىعىنان ايىرىلدى.
بٷگٸن قاشقىن گەنەرال-مايور تالدىقورعان سوتىنا جەتكٸزٸلگەن بولاتىن. ەكس-پوليتسەي سوتتا سوڭعى سٶزٸن سٶيلەدٸ. كٷدەباەۆ قاڭتار وقيعاسى كەزٸندە ٶز حالقىنا وق اتپاعانىن مەلٸمدەپ, كٸنەسٸن مويىندامادى. الايدا سوت كٷدەباەۆتى ايىپتى دەپ تاپتى.
سۋديا مەلٸم ەتكەندەي, سەرٸك كٷدەباەۆ قىلمىستىق كودەكستٸڭ 146-بابى 2-تارماعى 1-تارماقشاسى "ازاپتاۋ" جەنە 362-بابى 4-تارماعى – "بيلٸكتٸ نەمەسە لاۋازىمدىق ٶكٸلەتتٸگٸن اسىرا پايدالانۋ" باپتارى بويىنشا كٸنەلٸ دەپ تانىلىپ, 10 جىلعا سوتتالدى. ول جازاسىن قىلمىستىق اتقارۋ جٷيەسٸنٸڭ ورتاشا قاۋٸپسٸز مەكەمەسٸندە ٶتەيتٸن بولادى.
ايتا كەتەيٸك, سەرٸك كٷدەباەۆقا سوت ٷكٸمٸ 10 ناۋرىزدا شىعۋعا تيٸس ەدٸ. الايدا ونىڭ اۋرۋحاناعا تٷسكەنٸ حابارلاندى. سودان كەيٸن سوت پروتسەسٸ بٸرنەشە رەت كەيٸنگە قالدى.
كٷدەباەۆ 23 ناۋرىزدا قازاق-قىرعىز شەكاراسىن زاڭسىز كەسٸپ ٶتٸپ, بٸشكەكتەن ستامبۋلعا ۇشىپ كەتكەن.
ال 3 سەۋٸردە تالدىقورعاندا ٶتكەن سوت وتىرىسىندا پروكۋرور ەكس-پوليتسەيدٸڭ قىلمىستىق ٸسٸن توقتاتىپ, وعان حالىقارالىق ٸزدەۋ جارييالاۋدى سۇرادى.
ۇقك شەتەلگە قاشقان كٷدەباەۆتىڭ شەكارادان رەسمي جۇمىس ٸستەپ تۇرعان ٶتكٸزۋ بەكەتتەرٸ ارقىلى ٶتپەگەنٸن مەلٸمدەدٸ.
27 سەۋٸردە الماتى وبلىسى پوليتسييا دەپارتامەنتٸنٸڭ ەكس-باسشىسى ۇستالعانى حابارلاندى. باس پروكۋرور بەرٸك اسىلوۆتىڭ ايتۋىنشا, ول تٷركييادا ۇستالىپ, كەيٸن ەلگە جەتكٸزٸلگەن.
