فوتو اشىق دەرەككٶزدەن الىندى
الماتى وبلىستىق پوليتسييا دەپارتامەنتٸنٸڭ بۇرىنعى باسشىسى سەرٸك كٷدەباەۆقا حالىقارالىق ٸزدەۋ جارييالاندى, دەپ حابارلايدى قازاقپارات اگەنتتٸگٸ.
«پروكۋراتۋرا قىرعىز رەسپۋبليكاسىنىڭ شەكارا قىزمەتٸنەن العان اقپاراتقا سەيكەس, كٷدەباەۆ 23 ناۋرىز كٷنٸ بٸشكەك قالاسىنداعى ماناس حالىقارالىق ەۋەجايىنان تٷركييانىڭ ىستامبۇل قالاسىنا ۇشىپ كەتكەن. بۇل شەكارا قىزمەتٸنٸڭ دەرەكتەر بازاسىمەن دەلەلدەنگەن. سوتتالۋشىنىڭ مۇنان ارى ٶزگە ەلدەرگە جٷرٸپ-تۇرۋىنىڭ الدىن الۋ جەنە تۇرعىلىقتى جەرٸن انىقتاۋ ٷشٸن, كٷدەباەۆقا شۇعىل تٷردە حالىقارالىق ٸزدەۋ جارييالاپ, وعان بۇلتارتپاۋ شاراسىن تۇتقىنعا الۋعا ٶزگەرتۋ قاجەت», - دەيدٸ سۋديا ەلەۋمەتتٸك جەلٸدە تاراعان ۆيدەودا.
تالدىقورعان قالالىق سوتىنىڭ Facebook پاراقشاسىندا جارييالانعان اقپاراتقا قاراعاندا, ٷكٸمدٸ جارييالاۋ الدىنداعى سوڭعى سٶزٸن سٶيلەۋٸ تيٸس بولعان س.كٷدەباەۆ اۋىرىپ قالۋىنا بايلانىستى سوت وتىرىسىنا كەلمەگەن.
ونىڭ اۋرۋحاناعا تٷسكەنٸن دەلەدەيتٸن انىقتامانى سوتقا ادۆوكاتى ۇسىنعان. وسىعان بايلانىستى سوت وتىرىستارى كەيٸنگٸ شەگەرٸلٸپ كەلدٸ. وسى كەزەڭدە س.كٷدەباەۆقا قاتىستى ەشقايدا كەتپەۋ جەنە تيٸستٸ مٸنەز-قۇلىق تۋرالى قولحات تٷرٸندەگٸ بۇلتارتپاۋ شاراسى قولدانىلعان.
2023 جىلدىڭ 30 تامىزىندا سوت قىلمىستىق-پروتسەستٸك كودەكستٸڭ 157 جەنە 355-باپتارىنا سەيكەس, س.كٷدەباەۆتى 3 سەۋٸر ساعات 10:00-دە سوتقا جەتكٸزۋ تۋرالى قاۋلى شىعاردى.
قاۋلىنى ورىنداۋ كەزٸندە پروكۋرور س.كٷدەباەۆتٸڭ ەلدەن كەتكەنٸ تۋرالى مەلٸمەت ۇسىنعان.
«بٷگٸنگٸ تاڭدا قىلمىستىق-پروتسەستٸك كودەكستٸڭ 324-بابىنا سەيكەس, ٸس ٸزدەۋ جارييالانۋىنا بايلانىستى توقتاتىلدى. ٸس ٸزدەۋدٸ قاداعالاۋ ٷشٸن جەتٸسۋ وبلىستىق پروكۋراتۋراسىنا جٸبەرٸلدٸ», - دەلٸنگەن سوت حابارلاماسىندا.
ەسكە سالساق, الماتى وبلىستىق پوليتسييا دەپارتامەنتٸنٸڭ بۇرىنعى باسشىسى سەرٸك كٷدەباەۆ قاڭتار وقيعاسى بويىنشا كٷدٸكتٸ دەپ تانىلعان ەدٸ. سوت تالقىلاۋى بارىسىندا پروكۋرور سۋديادان كٷدەباەۆقا 9 جىلعا باس بوستاندىعىنان ايىرۋ جازاسىن تاعايىنداۋدى سۇراعان بولاتىن.
