قر ەكولوگييا, گەولوگييا جەنە تابيعي رەسۋرستار ۆتسيە-مينيسترٸ سەرٸك قوجانييازوۆ سىردارييانىڭ بويىنداعى ەلدٸ مەكەندەر ٷشٸن بيىلعى جاز دا اۋىر بولۋى مٷمكٸن ەكەنٸن ەسكەرتتٸ, حابارلايدى قازاقپارات.
«سىردارييا ٶزەنٸنٸڭ سۋى مول جىلداردا توقتاعۇل سۋ قويماسى تولىپ كەتەتٸن. بۇل – ٶزەننٸڭ ەڭ جوعارعى بٶلٸگٸندە ورنالاسقان سۋ قويماسى. ونىڭ سىيىمدىلىعى – 19,5 ملرد تەكشە مەتر. جازدا ەكولوگييالىق جاعداي قالىپتى بولۋى ٷشٸن سەۋٸر ايىنا قاراي وسى قويماعا 15 ملرد تەكشە مەتر سۋ جينالۋى كەرەك. ٶكٸنٸشكە قاراي, كەيٸنگٸ 4 جىل ٸشٸندە توقتاعۇل قويماسىنا مۇنشا سۋ جينالماي جاتىر. ەزٸرگە كٶڭٸل كٶنشيتٸندەي جاعداي جوق. اقپان ايىندا قاردىڭ قالاي بولاتىنىن بٸلمەيمٸز», - دەگەن مينيسترلٸك ٶكٸلٸ ٶزەكبستان, قىرعىزستان جەنە قازاقستان اراسىندا كەڭەس زامانىنداعى كەلٸسٸم قايتا كٷشٸنە ەنٸپ, جاعدايدى رەتتەۋگە مٷمكٸندٸك تۋعانىن ەسكە سالدى. بٸراق ايماقتاعى قۇرعاق تسيكل ول كەلٸسٸمنٸڭ دە مٷمكٸندٸگٸن شەكتەپ وتىر.
«بىلتىر توقتاعۇلدىڭ سۋىن ٶزارا تيٸمدٸ پايدالانۋ ٷشٸن قازاقستان مەن ٶزبەكستان الداعى ٷش جىلدىڭ قىسىندا قىرعىز تاراپىنا ەلەكتر قۋاتىن بەرٸپ تۇرۋعا كەلٸسكەن. اقىسىنا ولار جازدا بٸزگە قاجەتتٸ سۋ بەرۋٸ كەرەك. وسىنداي ايىرباس كەستەسٸ بويىنشا جۇمىس ٸستەگەنبٸز», - دەدٸ مينيستردٸڭ ورىنباسارى.
سەرٸك قوجانييازوۆتىڭ ايتۋىنشا, قازاقستان تاراپى بيىل دا سول كەلٸسٸمنٸڭ مٷلتٸكسٸز ورىندالۋىنا كٷش سالىپ وتىر.
«بٸز قىرعىز تاراپىمەن كەلٸستٸك. جىل سوڭىنا دەيٸن جەتكٸزٸپ ٷلگەرمەگەن ەلەكتر قۋاتىن, بيىل بٸرٸنشٸ توقساننىڭ سوڭىنا دەيٸن جەتكٸزبەكپٸز. سول بويىنشا جۇمىس جٷرٸپ جاتىر. سىردارييانىڭ سۋلى بولۋى توقتاعۇل قويماسىنا بايلانىستى. ٶكٸنٸشكە قاراي, ەتەكتەگٸ, ارال ماڭىنداعى جاعداي ايتارلىقتاي جاقسارا قويعان جوق. تٸپتٸ كٶكساراي قارىمتا رەتتەگٸشٸنە قاجەتتٸ سۋدى دا جيناي المايمىز با دەگەن قورقىنىش بار. شاردارادا عانا سۋ بولاتىن شىعار. بيىل دا جاعداي قيىن بولادى. ٶيتكەنٸ جازعى ۆەگەتاتسييا كەزەڭٸن كٶكسارايسىز ٶتكەرەتٸن سيياقتىمىز», - دەدٸ ۆيتسە-مينيستر.
