ۇلتشىل
كٶلٸگٸ - نەمٸستٸكٸ,
تەلەديدارى – جاپون,
دامبالى – قىرعىزدىكٸ,
قولىندا – اقش ايفون,
ۋاقىت - قىتاي ساعاتتان,
قارا ورامالى - ارابتان,
بالالارىنا دا تسيفردى
اراب سانىمەن ساناتقان,
ٶزبەك گازىن پارلاتقان,
نەرٸ - گمو تاماقتان,
سالاتى - كەرٸس قاراقتان,
سامساسىن اساپ سارتتىڭ,
«كيريللمەن» حابار تاراتقان,
ەتٸرٸن سەۋٸپ پاريجدٸڭ,
پوماداسىن «جالاتقان»,
تٷركييادان شوقايى,
شۇلىعى دا سول جاقتان,
اسحاناسى – ۇيعىر,
دويىرى - ورىس-كازاكتان!
ەكراندا – ٷندٸ,
پٸرٸ - جاعديشا «جىندى»,
«كەلٸن» دە بار مۇڭدى.
مۇنداي بايلىق كٸمدە بار,
«ۇلتشىل» دەپ جٷر كٸمدٸ?
اۋىزىندا – ٷش تٸل...
قايدان شىققان «ۇلتشىل»?!
قوي اۋزىنان شٶپ الماس,
قوڭىرقاي عانا ۇلت بۇل!
بەرٸن-داعى تەڭگەرٸپ,
ايىرماستان تاعاتتان,
بۇل قازاقتى قۇدايىم,
«تولەرانتتى» ەتٸپ جاراتقان.
كٷن كٶرۋمەن كەلەدٸ,
ٶزگە تارتقان «تاباقتان» ...
Cەرٸك ەبٸكەننٸڭ فەيسبۋكتاعى پاراقشاسىنان
