الماتىدا جىل سوڭىنا دەيٸن 380 «سەرگەك» بەينەباقىلاۋ كامەرالارىن ورناتۋ جوسپارلانىپ وتىر, دەپ حابارلايدى "ۇلت اقپارات".
پوليتسييانىڭ مەلٸمەتٸنشە, 4 ايدىڭ قورىتىندىسى بويىنشا جول-كٶلٸك وقيعالارى 28,4% – عا ازايعان. جالپى 765 كٶلٸك اپاتى تٸركەلدٸ, سونىڭ سالدارىنان 23 ادام قازا تاۋىپ, 884 ادام تٷرلٸ دەنە جاراقاتىن الدى.
«اپاتتار سانىنىڭ ازايۋى «سەرگەك « اپك بەينەباقىلاۋ كامەرالارىن ورناتۋمەن بايلانىستى. قازٸرگٸ ۋاقىتتا الماتىدا 404 «سەرگەك» كامەراسى جۇمىس ٸستەيدٸ. 2020 جىلدىڭ اياعىنا دەيٸن قوسىمشا 380 كامەرانى (210 جول قيىلىسى, 170 سىزىقتى ايماقتاردا) ورناتۋ جوسپارلانۋدا. 2020 جىلدىڭ 4 ايىندا «سەرگەك» اپك كامەرالارىنىڭ كٶمەگٸمەن 60 مىڭنان استام جول قوزعالىسى ەرەجەلەرٸنٸڭ بۇزىلۋى انىقتالدى. 436 ميلليون تەڭگەدەن استام سومادا ايىپپۇل سالىندى. سونداي-اق, قالادا 105 پوستان تۇراتىن «بدد» ااج قۇرىلدى. كامەرالار ورناتىلعان جەرلەردە جىل سايىن جول قوزعالىسى ەرەجەلەرٸنٸڭ بۇزىلۋى 20% -عا تٶمەندەۋدە», - دەدٸ الماتى قالالىق پوليتسييا دەپارتامەنتٸنٸڭ باستىعى قانات تايمەردەنوۆ.
جالپى جىل باسىنان بەرٸ قالا جولدارىندا 214 506 جول ەرەجەلەرٸن بۇزۋ فاكتٸلەرٸ انىقتالىپ, 1,2 ميلليارد تەڭگەگە ايىپپۇل سالىندى.
«ەكٸمشٸلٸك جاۋاپكەرشٸلٸككە 76 648 ەرەجە بۇزۋشى تارتىلدى, ونىڭ ٸشٸندە 74 479 جٷرگٸزۋشٸ, ال 276 جٷرگٸزۋشٸ ماس كٷيٸندە كٶلٸك جٷرگٸزگەنٸ ٷشٸن ۇستالعان. سوت 379 جٷرگٸزۋشٸنٸ كٶلٸك قۇرالىن باسقارۋ قۇقىعىنان ايىردى. 235 جٷرگٸزۋشٸ ەكٸمشٸلٸك قاماۋعا الىندى», - دەدٸ قانات تايمەردەنوۆ.
