بٷگٸن قازاقستاندا جاڭا بٸر پالاتالى پارلامەنت – قۇرىلتاي دەپۋتاتتارىن سايلاۋ ٶتٸپ جاتىر. 145 دەپۋتاتتىق مانداتقا جەتٸ ساياسي پارتييادان 545 كانديدات تالاسۋدا. وسىلايشا, بٸر مانداتقا ورتا ەسەپپەن 3,8 كانديداتتان كەلەدٸ, دەپ حابارلايدى ult.kz.
كانديداتتار قاتارىندا مەملەكەتتٸك قىزمەتكەرلەر, بۇرىنعى پارلامەنت دەپۋتاتتارى, كەسٸپكەرلەر, قوعام بەلسەندٸلەرٸ, جۋرناليستەر, سپورتشىلار, دەرٸگەرلەر مەن مۇعالٸمدەر بار. سونىمەن بٸرگە ەلگە تانىمال مەديا تۇلعالار دا قۇرىلتايعا دەپۋتات بولۋعا نيەتتٸ.
مەسەلەن, «ەدٸلەت» پارتيياسىنىڭ تٸزٸمٸنە مەملەكەتتٸك كەڭەسشٸ ەرلان كارين, «قازاقتەلەكوم» باسقارما تٶراعاسى باعدات مۋسين, مەجٸلٸستٸڭ بۇرىنعى دەپۋتاتتارى اسحات ايماعامبەتوۆ, ايدوس سارىم, مارات باشيموۆ جەنە باسقا دا تانىمال تۇلعالار ەنگەن. پارتييا جالپى 186 كانديداتتى ۇسىنعان.
قازاقستاننىڭ حالىق پارتيياسى 72 كانديداتتى ۇسىندى. ولاردىڭ اراسىندا ەنشٸ تامارا اسار مەن اكتريسا ەرٸ تەلەجٷرگٸزۋشٸ اشا ماتاي بار.
ال Respublica پارتيياسىنىڭ تٸزٸمٸندە مەدياپروديۋسەر ازامات ماركلەن مەن كەسٸپكەر, مەدياتۇلعا بەيبٸت ەلٸبەكوۆ بار.
جالپى 545 كانديداتتىڭ 172-سٸ – ەيەل, 74-ٸ – 35 جاسقا دەيٸنگٸ ازامات, ال 19 كانديداتتىڭ مٷگەدەكتٸگٸ بار. كانديداتتاردىڭ ورتاشا جاسى – 45,4 جاس.
قۇرىلتاي سايلاۋىن ٶتكٸزۋگە 34,3 ملرد تەڭگە بٶلٸنگەن. بۇل قاراجاتتى 145 دەپۋتاتتىق مانداتقا شارتتى تٷردە بٶلسەك, بٸر ورىنعا شامامەن 236,6 ملن تەڭگەدەن كەلەدٸ. الايدا بۇل – سايلاۋدى ۇيىمداستىرۋ شىعىنىن ەسەپتەۋدٸڭ اريفمەتيكالىق كٶرسەتكٸشٸ عانا, دەپۋتاتتىق مانداتتىڭ ناقتى «قۇنى» ەمەس.
