فوتو: اشىق دەرەككٶز
جامبىل وبلىسىندا ساباق كەزٸندە بەسٸنشٸ سىنىپ وقۋشىلارى ٸشٸ اۋىرىپ, جٷرەگٸ اينيتىنى ايتىپ شاعىمداندى. سانيتارلىق دەرٸگەرلەر ولاردىڭ ساتىپ الىپ جەگەن فاستفۋدىن تەكسەرٸپ جاتىر, دەپ حابارلايدى Ult.kz كتك ارناسىنا سٸلتەمە جاساپ.
مىرزاتاي اۋىلىندا 12 وقۋشى ۋلانىپ قالعان. وقۋشىلاردىڭ ٷلكەن ٷزٸلٸس كەزٸندە مەكتەپكە جاقىن دٷكەنگە بارىپ, سەندۆيچ پەن بۋرگەر ساتىپ العانى بەلگٸلٸ بولدى. وسىدان كەيٸن بالالار ٶزدەرٸن جايسىز سەزٸنٸپ, ۋلانۋ بەلگٸلەرٸمەن اۋرۋحاناعا جەتكٸزٸلگەن.
قازٸر ماماندار فاستفۋدتىڭ قاي قۇرامداس بٶلٸگٸ ساپاسىز بولعانىن انىقتاپ جاتىر.
"تەۋلٸك بويى اۋرۋحانادا جاتقىزۋ تۋرالى كٶرسەتكٸش بولماعاندىقتان, بالالار مەديتسينالىق باقىلاۋمەن ٷيلەرٸنە جٸبەرٸلدٸ. قازٸر ولاردىڭ جاعدايى تۇراقتى. باسقا ناۋقاستار تٸركەلگەن جوق. بارلىق زەرتحانالىق سىنامالار الىندى, نەتيجەلەر ەزٸرگە دايىن ەمەس", — دەدٸ جامبىل وبلىسى بويىنشا سانيتارييالىق-ەپيدەميولوگييالىق باقىلاۋ كوميتەتٸ باسشىسىنىڭ ورىنباسارى سالتانات ەلٸباەۆا.
بالالار ۋلانعاننان كەيٸن ساۋدا نٷكتەسٸ بٸردەن جابىلىپ, بٸر تەۋلٸكتەن سوڭ قايتا اشىلعان. ال مەكتەپ ەكٸمشٸلٸگٸ ەندٸ بالالاردىڭ قايدا بارىپ, نە جەپ جٷرگەنٸن مۇقييات باقىلاپ وتىراتىنىن مەلٸمدەدٸ.
