سەناتورلار ينۆەستورلارعا ارنالعان سالىقتىق جەڭٸلدٸكتەر تۋرالى تٷزەتۋلەردٸ قابىلدادى. دەپۋتاتتار ەكونوميكانىڭ باسىم سالالارىنا ينۆەستيتسييا سالۋعا ەرٸ دامىتۋعا دايىن ينۆەستورلارعا ارنالعان «نٶلدٸك مٶلشەرلەمەنٸ» ەنگٸزۋدٸ ۇسىندى, دەپ حابارلايدى "ۇلت اقپارات".
«ينۆەستيتسييالاردىڭ كٶلەمٸنە, مەرزٸمٸنە جەنە جۇمىس ورنىنا بايلانىستى ينۆەستورلار كورپوراتيۆتٸك تابىس سالىعىنان, جەر سالىعىنان, قوسىمشا قۇن سالىعىنان جەنە مٷلٸك سالىعىنان 10 جىلعا دەيٸنگٸ مەرزٸمگە بوساتىلادى. بۇل قادام ەل ەكونوميكاسىنا ينۆەستورلار تارتۋ جەنە وسىنداي كٷردەلٸ كەزەڭدە جاڭا جوبالاردى ٸسكە اسىرۋ ٷشٸن قاجەت. سەناتورلار بۇل ٶزگەرٸستەردٸ ەل پرەزيدەنتٸنٸڭ تاپسىرماسى اياسىندا ۇسىنىپ وتىر», - دەدٸ مەۋلەن ەشٸمباەۆ.
سەنات دەپۋتاتتارىنىڭ پٸكٸرٸنشە, مۇنداي ەرەكشە جاعداي وتاندىق ەكونوميكا ٷشٸن كٷردەلٸ كەزەڭدە نارىقتا سۇرانىسقا يە تاۋار تٷرلەرٸن, سونىڭ ٸشٸندە ەكسپورتقا شىعارۋعا قابٸلەتتٸ جاڭا ٶندٸرٸستەردٸ باستاۋعا مٷمكٸندٸك بەرەدٸ. سالىق بويىنشا «نٶلدٸك مٶلشەرلەمە» ٷكٸمەت پەن ينۆەستورلار اراسىندا جاسالاتىن بارلىق ۋاعدالاستىقتاردى بەكٸتۋ ٷشٸن ستراتەگييالىق ينۆەستيتسييالىق كەلٸسٸم شەڭبەرٸندە جاڭا قۇرال رەتٸندە ەرەكەت ەتە باستايدى.
«قازٸرگٸ جاعدايدا ەلەمدە ينۆەستيتسييالار ٷشٸن بەسەكەلەستٸك بايقالىپ وتىر. ول ەكونوميكانىڭ بارلىق سالالارىندا جاڭا ينۆەستيتسييالىق جوبالاردى ٸسكە اسىرۋ, سونداي-اق ينۆەستيتسييالىق احۋالدى ودان ەرٸ جاقسارتۋ بويىنشا بەلسەندٸ شارالار قابىلداۋدى تالاپ ەتەدٸ. شەتەلدٸك كاپيتالدى تارتۋدىڭ جاڭا قۇرالدارىن ەنگٸزۋ قاجەت», - دەدٸ سەناتور ساعىندىق لۇقپانوۆ.
كەلٸسٸمنٸڭ قولدانىلۋى مەرزٸمٸنەن بۇرىن توقتاتىلعان جاعدايدا سالىقتار بويىنشا پرەفەرەنتسييالار جەنە قازاقستان رەسپۋبليكاسى سالىق زاڭناماسىنىڭ تۇراقتىلىعىنا كەپٸلدٸك ول جاسالعان كٷننەن باستاپ كٷشٸن جويادى. سونداي-اق, ينۆەستيتسييالىق كەلٸسٸم جەر قويناۋىن پايدالانۋشىلار مەن اكتسيزدەلەتٸن تاۋارلاردى ٶندٸرۋشٸلەرگە قولدانىلمايدى.
