بٷگٸن پارلامەنت سەناتى جانىنداعى جەرگٸلٸكتٸ ٶكٸلدٸ ورگاندارمەن (مەسليحاتتارمەن) ٶزارا ٸس-قيمىل جٶنٸندەگٸ كەڭەستٸڭ وتىرىسى بولدى, دەپ حابارلايدى "ۇلت اقپارات".
وندا پرەزيدەنت ن.ە. نازارباەۆتىڭ ەلەۋمەتتٸك سالا جٶنٸندەگٸ «جالاقىسى تٶمەن جۇمىسشىلاردىڭ ەڭبەكاقىسىن كٶبەيتۋ ٷشٸن ولاردىڭ سالىق جٷكتەمەسٸن ازايتۋ» تۋرالى ەكٸنشٸ باستاماسىن ٸسكە اسىرۋ بارىسى قارالدى.
شارانى كەڭەس تٶراعاسى, پارلامەنت سەناتى تٶراعاسىنىڭ ورىنباسارى سەرگەي گروموۆ اشتى. ول ٶز سٶزٸندە مەملەكەت باسشىسىنىڭ ەلەۋمەتتٸك باستاماسى حالىقتىڭ از قورعالعان توپتارىنىڭ ٶزەكتٸ مەسەلەلەرٸن شەشۋگە ارنالعانىن اتاپ ٶتتٸ.
«پرەزيدەنت سٶزٸ نەگٸزٸنەن قاراپايىم جاندارعا ارنالىپ وتىر. بۇل سالماقتى ەرٸ اۋقىمدى باعدارلاما, بەس باستامانىڭ ەرقايسىسى بٸرنەشە ميلليونداعان ادامداردىڭ مٷددەلەرٸن قورعاۋعا ارنالعان. بەرٸن قوسقاندا كەمٸندە تۇرعىنداردىڭ جارتىسى پرەزيدەنتتٸڭ ەلەۋمەتتٸك باعدارلاما اياسىندا قامتىلادى», - دەدٸ سەنات تٶراعاسىنىڭ ورىنباسارى.
ونىڭ سٶزٸندە قازاقستان قازٸردٸڭ ٶزٸندە تٶمەن مٶلشەردەگٸ سالىق سالاتىن مەملەكەت ەكەنٸ اتالىپ ٶتٸلدٸ. سونىمەن بٸرگە, س. گروموۆتىڭ ايتۋىنشا, ەڭبەكاقىسى تٶمەن ادامدارعا سالىق اۋىرتپالىعىن 1 پايىزعا دەيٸن 10 ەسە ازايتۋ – بۇل مەملەكەت تاراپىنان جاسالىپ وتىرعان اۋقىمدى شارا, ونىڭ اياسىندا 2 ميلليوننان استام ادام قامتىلادى.
ەكٸنشٸ باستامانى ٸسكە اسىرۋ جٶنٸندەگٸ مەملەكەتتٸك ورگانداردىڭ جۇمىسى تۋرالى ۇلتتىق ەكونوميكا مينيسترٸنٸڭ بٸرٸنشٸ ورىنباسارى رۋسلان دەلەنوۆ باياندادى. ول تيٸستٸ مەملەكەتتٸك ورگاندار «اتامەكەن» ۇلتتىق كەسٸپكەرلەر پالاتاسىمەن بٸرلەسە وتىرىپ, ەڭبەكقىسى تٶمەن جۇمىسشىلارعا سالىق سالۋدىڭ وڭتايلى تەتٸكتەرٸن ايقىنداعانى تۋرالى حاباردار ەتتٸ. زاڭناماعا تيٸستٸ تٷزەتۋلەر ەزٸرلەنٸپ, «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەلەۋمەتتٸك قامسىزداندىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىنا ەنگٸزٸلدٸ.
ەڭبەك جەنە حالىقتى ەلەۋمەتتٸك قورعاۋ مينيسترٸنٸڭ ورىنباسارى سۆەتلانا جاقىپوۆا دەپۋتاتتارعا ەڭبەكاقىسى تٶمەن ادامدار تۋرالى ستاتيستيكالىق دەرەكتەردٸ تانىستىردى. ونىڭ مەلٸمەتتەرٸ بويىنشا, مٸندەتتٸ زەينەتاقى جارنالارىن تٶلەيتٸن 5,8 ميلليون ادامنىڭ ايىنا ورتاشا كٸرٸسٸ 60 مىڭ تەڭگە, 2,2 ميلليون ادام ودان دا تٶمەن الادى. مينيستر ورىنباسارىنىڭ ايتۋىنشا, اۋىل شارۋاشىلىعى, بٸلٸم بەرۋ, دەنساۋلىق ساقتاۋ, ەلەۋمەتتٸك قورعاۋ, كٶتەرمە جەنە بٶلشەك ساۋدا سەكٸلدٸ سالالارداعى جالدامالى قىزمەتكەرلەردٸڭ ٷلەسٸ جوعارى بولىپ وتىر.
تالقىلاۋعا سەنات جەنە جەرگٸلٸكتٸ مەسليحات دەپۋتاتتارى, مٷددەلٸ مەكەمەلەردٸڭ ٶكٸلدەرٸ قاتىستى.
