سەنات تٶراعاسىنىڭ ورىنباسارى اسقار شەكٸروۆ باستاعان بٸر توپ سەناتورلار جولداعان دەپۋتاتتىق ساۋالدا ارال ٶڭٸرٸنٸڭ ەكولوگييالىق مەسەلەلەرٸ كٶتەرٸلدٸ. سەناتتىڭ جالپى وتىرىسىندا بۇل مەسەلەگە وراي پرەمەر-مينيستر ەليحان سمايىلوۆتىڭ اتىنا ساۋال جولداندى, دەپ حابارلايدى قازاقپارات.
«ارال تەڭٸزٸ باسسەينٸندە تۇراقتى تۇراتىن ادامداردىڭ اعزاسىندا ٶمٸرلٸك ماڭىزى بار دەنە مٷشەلەرٸنٸڭ فۋنكتسيونالدىق جاي-كٷيٸندە ٶزگەرٸستەر انىقتالىپ, تٸپتٸ, پاتولوگييالىق اۋرۋلاردىڭ دامۋىنا دەيٸنگٸ ٶزگەرٸسكە ۇشىراپ جاتىر. وسىلايشا, ارالدىڭ قۇرعاۋى پلانەتارلىق اۋقىمداعى ەكولوگييالىق قاسٸرەت بولىپ وتىر. ونى بارلىق ەلدەردٸڭ, حالىقارالىق ۇيىمداردىڭ كٷش-جٸگەرٸن بٸرٸكتٸرۋ ارقىلى عانا توقتاتۋعا بولادى. ەڭ الدىمەن, وسى ەكولوگييالىق داعدارىستى شەشۋگە حالىقارالىق قورلار مەن عىلىمي ورتالىقتاردى تارتۋ قاجەت. سوڭعى ۋاقىتتا ولاردىڭ ايماقتاعى بەلسەندٸلٸگٸ ايتارلىقتاي تٶمەندەپ وتىر», - دەدٸ سەناتور اقىلبەك كٷرٸشباەۆ دەپۋتاتتىق ساۋالدى وقي وتىرىپ.
سەناتورلار مەسەلەنٸ شەشۋ ٷشٸن كەلەسٸ شەشٸمدەردٸ ۇسىندى: حالىقارالىق ارالدى قۇتقارۋ قورىنىڭ جۇمىسىن جانداندىرۋ, ورتالىق ازييا ەلدەرٸمەن سۋ-ەنەرگەتيكالىق كونسورتسيۋم قۇرۋ جەنە قۇرعاپ قالعان تەڭٸزدٸڭ تٷبٸنە جاسىل جەلەكتەردٸ بەلسەندٸرەك وتىرعىزۋ.
«ارال تەڭٸزٸنٸڭ قازاقستاندىق بٶلٸگٸندەگٸ تابيعي ەكپەلەردٸ قوسا العاندا, ورماننىڭ جالپى اۋدانى 337 مىڭ گەكتاردى قۇرادى. سونىمەن قاتار, بٸزدٸڭ ٶزبەك ەرٸپتەستەرٸمٸز شامامەن 1,6 ملن گا القاپقا سەكسەۋٸل ەكپەلەرٸن وتىرعىزدى. مۇنىمەن قوسا, ولار جٷيەلٸ تٷردە اعاش داقىلدارىنىڭ شٶلدٸ جاعدايلارىنا بەيٸمدەلگەن تٷرلەرٸن كەڭەيتۋمەن اينالىسۋدا. وسىعان بايلانىستى بٸزگە اعاش وتىرعىزۋ جۇمىستارىنىڭ قارقىنىن جەدەلدەتٸپ قانا قويماي, فيتومەليوراتيۆتٸك تەحنولوگييالاردى دا جەتٸلدٸرۋ كەرەك», - دەپ اتاپ ٶتتٸ كٷرٸشباەۆ.
دەپۋتاتتاردىڭ ايتۋىنشا, ولار قازٸردٸڭ ٶزٸندە ٶز ٶكٸلەتتٸكتەرٸ اياسىندا بۇل باعىتتا بەلسەندٸ جۇمىس ٸستەپ جاتىر. سەناتورلار تاياۋدا عانا سولتٷستٸك ارال سۋىن ۇستاپ تۇرعان كٶكارال بٶگەتٸن جٶندەۋ قاجەتتٸلٸگٸ تۋرالى ٷكٸمەتكە ساۋال جولداعانىن ەسكە سالدى. پارلامەنتارالىق ديپلوماتييانى ودان ەرٸ دامىتۋ اياسىندا ولار دٷنيەجٷزٸلٸك قوعامداستىقتىڭ نازارىن ارال پروبلەماسىنا اۋدارۋ ماقساتىندا تٷرلٸ حالىقارالىق پلاتفورمالاردا وسى مەسەلەلەردٸ كٶتەرۋدٸ كٶزدەپ وتىر.
