رەسپۋبليكالىق بيۋدجەتتٸڭ جارتىسىنان استامى ەلەۋمەتتٸك سالاعا جەنە حالىقتىڭ ٶمٸرٸن جاقسارتۋعا باعىتتالادى. دەگەنمەن, ونى تيٸمدٸ پايدالانۋدا ايقىن كەمشٸلٸكتەر بار. بۇل تۋرالى سەناتتىڭ جالپى وتىرىسىندا ەلٸمٸزدٸڭ پرەمەر-مينيسترٸنە ساۋال جولداعان ايگٷل قاپباروۆا ايتتى, دەپ حابارلايدى قازاقپارات.
ونىڭ اتاپ ٶتۋٸنشە, ستاتيستيكالىق دەرەكتەر بويىنشا 2020 جىلى جۇمىسسىزدىق دەڭگەيٸ 4,9 پايىزدى قۇرادى. رەسمي ستاتيستيكا كٶرسەتكەندەي, جۇمىسسىزدىق دەڭگەيٸ بٷگٸنگٸ كٷنٸ ٶزگەرٸسسٸز قالادى. بۇل - 450 753 ادام. الايدا, بۇل ساندارعا سەنۋ قيىن.
«كٶپتەگەن دامىعان ەلدەردە ەپيدەميولوگييالىق جاعدايعا بايلانىستى ەڭبەك نارىعىنداعى جاعداي كٷرت ٶزگەردٸ, جۇمىسسىزدىق دەڭگەيٸ كەم دەگەندە 10 پايىزدى قۇرادى. ال قازاقستانداعى ٶزگەرٸستەر – 0,2 پايىز. بۇل ساندار قوعامعا دا, ەكونوميكالىق ساراپشىلارعا دا سەنٸم ۇيالاتپايدى. پرەزيدەنت قاسىم-جومارت توقاەۆ مەملەكەتتٸك ورگاندارعا تسيفرلىق ويىنداردى توقتاتىپ, ازاماتتاردىڭ ناقتى ٶمٸرٸن جاقسارتۋعا ناقتى تاپسىرما بەردٸ. وسىعان بايلانىستى, قالىپتاسقان جاعدايدى ەسكەرە وتىرىپ, ٷكٸمەت حالىقتى جۇمىسپەن قامتۋ بويىنشا قانداي كەشەندٸ شارالار قابىلداپ جاتىر دەگەن سۇراق تۋىندايدى», - دەپ اتاپ ٶتتٸ دەپۋتات.
سونىمەن قاتار ايگٷل كاپباروۆا نازارىن جۇمىسسىزدىقپەن كٷرەس بويىنشا قابىلدانىپ جاتقان شارالاردىڭ تيٸمدٸلٸگٸنٸڭ تٶمەندٸگٸنە نازار اۋداردى. ەسەپ كوميتەتٸنٸڭ دەرەكتەرٸ بويىنشا داعدارىسقا قارسى جوبالاردىڭ بار-جوعى 14% - ى ۇزاق مەرزٸمدٸ ەكونوميكالىق اكتيۆتەر مەن وبەكتٸلەردٸ قۇرۋعا باعىتتالعان. جۇمىسسىزدىققا قارسى كٷرەستە جاۋاپتى ورگاندار قىسقا مەرزٸمدە ەسەر ەتەتٸن ەدٸستەردٸ جيٸ تاڭدايدى. وسىعان بايلانىستى سەناتور وسى سالاداعى جاعدايدى جاقسارتۋ بويىنشا بٸرقاتار شارالاردى ۇسىندى.
«جۇمىسپەن قامتۋعا جەردەمدەسۋدٸڭ بەلسەندٸ شارالارى كٶزدەلگەن قازٸرگٸ «ەڭبەك» جۇمىسپەن قامتۋ باعدارلاماسىنا قوسىمشا, ينفراقۇرىلىم وبەكتٸلەرٸن سالۋ جەنە دامىتۋ ەسەبٸنەن جۇمىس ورىندارىن قۇرۋ جٶنٸندەگٸ شارالاردى قامتيتىن «جۇمىسپەن قامتۋدىڭ جول كارتاسى (جقجك)» باعدارلاماسىنا بٶلٸنگەن 1 ترلن تەڭگە قاراجاتتىڭ دۇرىس جۇمسالۋىن قاتاڭ قاداعالاۋ جەنە قارجىنىڭ ساپالى يگەرٸلۋٸن زەردەلەۋ جۇمىستارىن جٷرگٸزۋ قاجەت. بۇل ەكٸ باعدارلاما تٷپكٸ ماقساتىنان اۋىتقىماي, حالىقتى تۇراقتى جۇمىسپەن قامتۋى تيٸس», - دەدٸ دەپۋتات.
