سەناتور نۇرجان نۇرسيپاتوۆ كەگەن اۋىلىنداعى جاعدايعا قاتىستى دابىل قاقتى. ول جەردە قىرعىزستانمەن اراداعى شەكارا سىزىعى ٶتەدٸ. بٸراق تيٸستٸ بەلگٸلەر جوق. ال قازاقستاندىق شەكاراشىلار قاقتىعىستىڭ الدىن الۋ ٷشٸن اۋىل حالقىن جايىلىمعا شىعارماي وتىر, دەپ حابارلايدى Sputnik قازاقستان.
قازاقستان كٶرشٸ ەلدەرمەن شەكارانى انىقتاپ بەكٸتكەن. الايدا دەماركاتسييالاۋ, ياعني ارنايى بەلگٸلەردٸ ورناتۋ جۇمىستارى ەلٸ تولىعىمەن اياقتالعان جوق. ونداي جەرلەردٸڭ بٸرٸ – كەگەن اۋىلىنا جاقىن شەكارا.
"بۇل جۇمىستىڭ اياقتالماۋى شەكارالاس ٶڭٸردەگٸ ەكٸ ەل تۇرعىندارى اراسىندا جانجال تۋدىرادى", - دەدٸ نۇرسيپاتوۆ سەناتتىڭ جالپى وتىرىسىندا.
بٷگٸندە قازاق-قىرعىز شەكاراسىندا مىڭداعان شەكارالىق باعانا ورناتىلعان. ال كەگەن تۇرعىندارى قىرعىز جاقتان شەكارا شەبٸنٸڭ بەلگٸلەنبەگەنٸن ايتىپ وتىر. كەلٸسٸم بويىنشا ەكٸ جاقتان دا شەكارا شەبٸ ٶتۋٸ كەرەك.
"قازاقستان تاراپىنان شەكارا سىزىعىنا تٸكەلەي جاناساتىن بٸرٸنشٸ شەپتٸڭ ينجەنەرلٸك بٶگەۋٸشتەرٸ جوق, تەك ەكٸنشٸ شەبٸ جول جيەگٸمەن ورناتىلعان بٶگەۋٸشتەرمەن بەلگٸلەنٸپتٸ. وسىلايشا, بٸرٸنشٸ جەنە ەكٸنشٸ شەپتەردٸڭ اراسىنداعى قازاقستاننىڭ 4 مىڭ گەكتارعا جۋىق اۋىل شارۋاشىلىعى جەنە 15 مىڭ گەكتار ورمان شارۋاشىلىعى جەرلەرٸن كەگەن اۋدانىنىڭ شارۋا قوجالىقتارى ٶز ماقساتتارىنا پايدالانا الماي وتىر. ٶيتكەنٸ تۇرعىندار اراسىنداعى قاقتىعىستى بولدىرماۋ ٷشٸن قازاقستاندىق شەكاراشىلار ازاماتتارىمىزدى ينجەنەرلٸك بٶگەتتەردٸڭ ەكٸنشٸ شەبٸ ارقىلى ٶتكٸزبەيدٸ. بٷگٸندە بۇل جەرلەردٸ قىرعىزستان ازاماتتارى شٶپ شابۋ جەنە مال جايلاۋ ٷشٸن پايدالانىپ جاتىر. سەبەبٸ ول جاقتان بٶگەتتەر ورناتىلماعان", - دەپ اتاپ ٶتتٸ نۇرسيپاتوۆ.
ال ونداي جاعداي بٸزدٸڭ ايماعىمىزدا شيەلەنٸستٸ تۋعىزۋى مٷمكٸن. وسىعان بايلانىستى سەناتورلار نۇرسيپاتوۆ پەن جٶرگەنباەۆ ٷكٸمەت باسشىسىنا دەپۋتاتتىق ساۋال جولداپ, شەكارا سىزىعىن بەلگٸلەۋ مەسەلەسٸن شۇعىل شەشۋدٸ تالاپ ەتتٸ.
