بٷگٸن پارلامەنت سەناتىنىڭ جالپى وتىرىسىندا دەپۋتات اندرەي لۋكين ەلدەگٸ اۋا تازالىعىن باقىلايتىن مەملەكەتتٸك مونيتورينگتٸڭ ساپاسىنا الاڭداۋشىلىق بٸلدٸردٸ. وسى ورايدا ول ٷكٸمەت باسشىسىنىڭ ورىنباسارى رومان سكلياردىڭ اتىنا ساۋال جولدادى, دەپ حابارلايدى "ۇلت اقپارات".
سەناتور ەلٸمٸزدەگٸ مەملەكەتتٸك ەكولوگييالىق باقىلاۋدىڭ ساپاسىنا كٶڭٸلٸ تولمايتىنىن جەتكٸزدٸ. ونىڭ ايتۋىنشا, ولقىلىقتار مەن كەمشٸلٸكتەر جٷيەلٸ تٷردە تٸركەلگەنٸنە قاراماستان, ەكولوگييالىق جاعدايعا مونيتورينگ تيٸستٸ دەڭگەيدە جٷرگٸزٸلمەي كەلەدٸ. تٸپتٸ لاستانۋدىڭ كٶزدەرٸن انىقتاۋ بويىنشا شارالار قابىلدانباي وتىر جەنە بۇزۋشىلىقتاردى جويۋ, زالالدى ٶتەۋ جۇمىستارى دا ناشار جٷرگٸزٸلۋدە.
«سوڭعى 2 جىلدا ەلٸمٸزدٸڭ اۋماعىندا اتموسفەرالىق اۋانىڭ جوعارى دەڭگەيدەگٸ لاستانۋى بويىنشا 1296 جاعداي تٸركەلگەن. سونداي-اق سۋ قويمالارىندا 934 لاستانۋ دەرەگٸ انىقتالعان. سوعان قاراماستان لاستانۋ كٶزدەرٸ انىقتالماي وتىر جەنە جىل سايىن 1,5 ملرد. تەڭگە جۇمسالاتىن قورشاعان ورتانىڭ جاي-كٷيٸن باقىلاۋ ماتەريالدارى دا قولدانىلماي كەلەدٸ», – دەدٸ اندرەي لۋكين.
سەناتور سوڭعى جىلدارى زيياندى ٶندٸرٸس ورىندارىن قۇرۋ جەنە كەڭەيتۋ كەزٸندە حالىقتىڭ مٷددەسٸن ەسكەرمەۋ فاكتٸلەرٸ جيٸلەپ كەتكەنٸنە دە نازار اۋداردى. اندرەي لۋكين ەگەر بۇل جاعداي ٶزگەرمەسە, ەلٸمٸزدٸڭ فلوراسى مەن فاۋناسىنا ايتارلىقتاي قاۋٸپ تٶنەتٸنٸن دە اتاپ ٶتتٸ.
وسىعان بايلانىستى سەناتور قاۋٸپتٸ قالدىقتاردىڭ اينالىمىن باقىلاۋدى ۇيىمداستىرۋ جەنە ولاردى تولىق زالالسىزداندىرۋ, اتموسفەرالىق اۋانىڭ ەكولوگييالىق پروبلەمالارىن جەنە زاڭسىز كارەرلەردٸ قالپىنا كەلتٸرۋ پروبلەمالارىن شەشۋ ٷشٸن تەۋەلسٸز ەكولوگتاردى شاقىرا وتىرىپ, ارنايى كوميسسييا قۇرۋدى ۇسىندى.
