پارلامەنت سەناتىنىڭ جالپى وتىرىسىندا دەپۋتات مۇرات باقتييارۇلى ەلٸمٸزدٸڭ پرەمەر-مينيسترٸ اسقار ماميننٸڭ اتىنا مەديتسينا سالاسىنداعى ٶزەكتٸ مەسەلەلەر جەنە ونى دامىتۋ تۋرالى دەپۋتاتتىق ساۋال جولدادى, دەپ حابارلايدى "ۇلت اقپارات".
سەناتور ٶڭٸرلەرگە ساپارى كەزٸندە جەرگٸلٸكتٸ جەردەگٸ دەنساۋلىق ساقتاۋ سالاسىندا شەشٸمٸن تاپپاي جاتقان بٸرقاتار كٷردەلٸ مەسەلەلەردٸڭ بار ەكەنٸنە كٶز جەتكٸزگەنٸن ايتتى. سونداي-اق, ول وتاندىق مەديتسينا نارىعى اۋىر سىناققا تٶتەپ بەرە الماعانىن تٸلگە تيەك ەتتٸ.
«قانشاما قابىلدانعان شارالارعا قاراماستان دەنساۋلىق ساقتاۋ مينيسترلٸگٸ حالىق دەنساۋلىعىن قورعاۋدى دامىتۋدىڭ جٷيەلٸ جولىن تابا الماعانى تٷسٸنٸكسٸز», – دەدٸ م.باقتييارۇلى.
دەپۋتاتتىق ساۋال بارىسىندا كەلەشەكتە ٸندەت كەزەڭٸندە ورىن العان جاعدايدان قورىتىندى شىعارىپ, سالا ماماندارىنىڭ پٸكٸرلەرٸ مەن ۇسىنىستارىن ەسكەرۋ كەرەك ەكەنٸ دە ايتىلدى.
سونىمەن قاتار مەديتسينا سالاسىنداعى مامان تاپشىلىعى دا نازاردان تىس قالمادى.
«قازٸر ەمدەۋ ورىندارىندا 4 مىڭ دەرٸگەر جەتٸسپەيدٸ. تٸپتٸ, كوروناۆيرۋستىڭ قاۋپٸ سەيٸلمەي تۇرعان ٸرٸ ورتالىقتار مەن ٶڭٸرلەردەگٸ اۋرۋحانالار مەن ەمحانالاردا 800-دەن استام ينفەكتسيونيستٸڭ ورنى بوس تۇر», – دەدٸ سەناتور.
دەپۋتاتتىڭ ايتۋىنشا, قازٸرگٸ تاڭدا دەرٸگەر كادرلارىمەن قامتاماسىز ەتۋ قالالىق جەردە – 56,8 پايىز بولسا, اۋىلدا بۇل كٶرسەتكٸش 16,1 پايىزدى قۇرايدى. قازاقستاندا مەديتسينا ماماندارىن دايارلايتىن التى جوعارى وقۋ ورنى بار. ونداعى سالالىق ماماندار دايارلايتىن مەديتسينالىق-پروفيلاكتيكالىق فاكۋلتەتتەر جابىلىپ قالعان. فاكۋلتەت جابىلعانىمەن, مامانداردىڭ قاجەتتٸگٸن ٶمٸر كٶرسەتٸپ وتىر.
«ۇلت دەنساۋلىعى – مىقتى مەملەكەت كەپٸلٸ. سوندىقتان ادام دەنساۋلىعى ٷشٸن ايانباي ەڭبەك ەتٸپ, اجالعا اراشا تٷسەتٸن دەرٸگەرلەر قاۋىمىنا ارناپ, «دەرٸگەرلەر مەرتەبەسٸ تۋرالى» زاڭ قابىلداۋدى ۇسىنامىز», – دەدٸ م.باقتييارۇلى.
