پارلامەنت سەناتىنىڭ دەپۋتاتى مۇحتار جۇماعازيەۆ بيلەت تاپشىلىعىن ۋشىقتىرىپ وتىرعاندارعا تيٸستٸ شارا قولدانۋدى سۇرادى. وسى ورايدا ول قر ٷكٸمەت باسشىسى اسقار ماميننٸڭ اتىنا دەپۋتاتتىق ساۋال جولدادى, دەپ حابارلايدى "ۇلت اقپارات".
«اقتٶبە مەن ەلوردانى بايلانىستىراتىن «نۇر-سۇلتان – اقتٶبە», «اقتٶبە – نۇر-سۇلتان» باعىتى بويىنشا تٸكەلەي قاتىنايتىن پويىز باعدارى 2018 جىلدان بەرٸ الىنىپ تاستالعان. وسىنىڭ سالدارىنان جوعارىدا قابىلدانعان شەشٸم ەلورداعا قاتىنايتىن ازاماتتاردىڭ, ونىڭ ٸشٸندە ستۋدەنتتەردٸڭ دە نارازىلىعىن تۋعىزىپ وتىر. ولاردى تٷسٸنۋگە بولادى, سەبەپتەرٸ جوق ەمەس. ەندٸ اقتٶبە قالاسىنا جەتۋ ٷشٸن ىڭعايسىز ۋاقىتپەن جٷرەتٸن «نۇر-سۇلتان – ورال» پويىزىنا وتىرۋى تيٸس. ال وسى باعدار بويىنشا بيلەت الۋعا كەم دەگەندە 1,5 ميلليونعا جۋىق ەكٸ وبلىستىڭ تۇرعىندارى بەسەكەگە تٷسەدٸ. بۇل رەتتە بيلەتتٸڭ تاپشى بولاتىنى كٷمەن تۋعىزبايدى. جاز شىعىسىمەن جەنە مەرەكەلەر قارساڭىندا بيلەتتەر جوق بولىپ كەتەدٸ. باعىڭىز جانىپ, تابا قالعان جاعدايدا باعاسىنان شاشىڭىز تٸك تۇرادى», - دەدٸ سەناتور.
وسى ورايدا مۇحتار جۇماعازيەۆ جەكە كاسسالارمەن سىبايلاسقان دەلدالداردىڭ كٸنەسٸنەن جۇرتشىلىق بيلەت تاپپاي ۆوكزالدا ساندالىپ نەمەسە تەمٸرجول كاسسالارىن اڭدۋمەن ەلەك بولاتىنىن اتاپ ٶتتٸ.
«قۇنى 6-12 مىڭ تۇراتىن بيلەت ەسەلەنٸپ, 58 مىڭ تەڭگەگە ساتىلىپ جاتقانى بۇقارالىق اقپارات قۇرالدارىندا جارييالانعان بولاتىن. بۇل مەسەلە العاش رەت كٶتەرٸلٸپ تۇرعان جوق. ٶڭٸردەگٸ حالىقتىڭ جانايقايىن جەتكٸزۋ ماقساتىندا وبلىس باسشىلىعى «قازاقستان تەمٸر جولى» ۇلتتىق كومپانيياسىنىڭ باسقارما تٶراعاسىنا بٸر ەمەس, ەكٸ رەت حات جولداعان جەنە پارلامەنت قابىرعاسىندا دا بۇل مەسەلە تالقىلانعان. الايدا بۇل كٷردەلٸ سۇراقتىڭ وڭ شەشٸمٸ ەلٸ تابىلعان جوق. تەمٸرجول تاسىمالىنداعى تۇرمىستىق جەمقورلىقتىڭ الدىن الۋ ٷشٸن قابىلدانعان جول كارتاسى ٶز جۇمىسىن قاشان باستايدى, ناقتى نەتيجەسٸن قاشان كٶرەمٸز? بيلەت تاپشىلىعىنىڭ ۋشىعۋىنا ٶز ىقپالىن تيگٸزٸپ جٷرگەندەرگە قاتاڭ شارا قاشان قولدانىلادى?», - دەلٸنگەن دەپۋتاتتىق ساۋالدا.
ونىڭ پايىمىنشا, «اقتٶبە - نۇر-سۇلتان» باعىتىمەن جولاۋشىلار تاسىمالىن قايتا قالپىنا كەلتٸرۋ - وبلىستىڭ ودان ەرٸ دامۋ پەرسپەكتيۆاسىنا جاڭا سەرپٸن بەرٸپ, ٶڭٸر تۇرعىندارىنىڭ ٶتٸنٸش-تٸلەكتەرٸن قاناعاتتاندىرار ەدٸ.
