فوتو: iStock
سەنات دەپۋتاتتارى "كەيبٸر زاڭنامالىق اكتٸلەرگە جول قوزعالىسىن ۇيىمداستىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسىن ماقۇلدادى. وسىعان سەيكەس ەلەكترساموكاتتاردى رەتتەۋ مەسەلەسٸ شەشٸلەدٸ, - دەپ حابارلايدى Tengrinews.kz.
زاڭ جوباسىن تانىستىرعان سەناتور ەۆگەنيي بولگەرت زاڭنىڭ نەگٸزگٸ ماقساتى قالىپتاسقان قۇقىقتىق ولقىلىقتى جويۋ جەنە شاعىن ەلەكتركٶلٸكتەردٸڭ, سونداي-اق ەلەكترساموكاتتاردىڭ جۇمىسىن زاڭنامالىق رەتتەۋدٸ ەنگٸزۋ ەكەنٸن مەلٸمدەدٸ.
زاڭناماعا "جول جٷرٸسٸ تۋرالى" جەنە "رۇقساتتار مەن حابارلامالار تۋرالى" ەكٸ زاڭعا ٶزگەرٸستەر مەن تولىقتىرۋلار ەنگٸزۋ ۇسىنىلدى.
"جول جٷرٸسٸ تۋرالى" زاڭدا ونىڭ تەحنيكالىق سيپاتتامالارى مەن پايدالانۋ تەرتٸبٸن قۇقىقتىق رەتتەۋ جەنە جٷرگٸزۋشٸلەر ٷشٸن تىيىم سالۋلار تٸزبەسٸن بەلگٸلەي وتىرىپ, "شاعىن ەلەكتر كٶلٸك" ۇعىمى ەنگٸزٸلگەن. "جول جٷرٸسٸ تۋرالى" زاڭى تۇجىرىمدامامەن تولىقتىرىلعان. ماكسيمال جوبالىق جىلدامدىعى ساعاتىنا 25 شاقىرىمنان اسپايتىن كٶلٸك قۇرالى رەتٸندە تانىلعان "ەلەكترساموكات" جەنە ولاردىڭ جٷرۋ ورىندارى بەلگٸلەندٸ. سونداي-اق, ولاردىڭ جٷرگٸزۋشٸلەرٸنە تىيىمدار بەلگٸلەندٸ", - دەدٸ بولگەرت.
ونىڭ ايتۋىنشا, ەلەكترساموكاتتىڭ جٷرگٸزۋشٸلەرٸ ۆەلوسيپەدكە ارنالعان جولدارمەن جٷرەدٸ. ولار بولماعان جاعدايدا زاڭمەن بەلگٸلەنگەن شارتتار مەن تىيىم سالۋلاردى ەسكەرە وتىرىپ, جولدىڭ وڭ جاعىمەن ەلەكترساموكاتتاردىڭ جٷرۋٸنە رۇقسات ەتٸلەدٸ. ول ٷشٸن جٷرگٸزۋشٸنٸڭ جاسى 18-گە تولعان بولۋى كەرەك. ونىڭ باسىندا قورعانىش دۋلىعاسى جەنە جارىق شاعىلىستىراتىن كيٸم جەنە كەز كەلگەن ساناتتاعى كۋەلٸگٸ بولۋى كەرەك.
جاياۋ جٷرگٸنشٸلەر جولىندا ەلەكتروساموكاتتىڭ جىلدامدىعى ساعاتىنا 6 كيلومەتردەن اسپاۋى كەرەك.
"مەجٸلٸس قابىلداعان ەلەكترساموكاتتار مەن شاعىن ەلەكتر كٶلٸكتەرٸ جٷرگٸزۋشٸلەرٸنٸڭ قۇقىقتارى مەن مٸندەتتەرٸن, شەكتەۋلەر مەن تىيىم سالۋلاردى بەلگٸلەۋگە باعىتتالعان زاڭدى بەكٸتۋ ولاردى پايدالانۋ بويىنشا قوعامدىق قاتىناستاردى قۇقىقتىق رەتتەۋدٸ قامتاماسىز ەتۋگە سەپتٸگٸن تيگٸزەدٸ دەپ ەسەپتەيمٸز. مەجٸلٸس قابىلداعان جەكە كٶلٸك قۇرالدارىن پايدالانۋ تەرتٸبٸن قۇقىقتىق رەتتەۋ سالاسىنداعى العاشقى قادام. سونىمەن قاتار, ەنگٸزٸلگەن زاڭنامالىق جاڭالىقتاردى تەجٸريبەدە سىناۋدى, سونداي-اق ەلەكترساموكاتتار مەن شاعىن ەلەكترموبيلدەردٸ پايدالانۋدى رەتتەۋدٸڭ حالىقارالىق تەجٸريبەسٸن ەسكەرە وتىرىپ, الداعى ۋاقىتتا ولاردى زاڭنامالىق تۇرعىدان شەشۋدٸ تالاپ ەتەتٸن بٸرقاتار مەسەلەلەر ەلٸ دە بار", - دەدٸ ەۆگەنيي بولگەرت.
وسىعان دەيٸن مەجٸلٸس دەپۋتاتتارى "كەيبٸر زاڭنامالىق اكتٸلەرگە جول قوزعالىسىن ۇيىمداستىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسىن قابىلداعان بولاتىن. بۇل قۇجات بويىنشا ەلەكترساموكات كٶلٸك قۇرالى رەتٸندە تانىلادى.
كەيٸن قازاقستاندىق ساراپشىلار ەلەكترساموكاتتارعا قانداي ەرەجەلەر مەن شەكتەۋلەر ەنگٸزۋ كەرەك ەكەنٸن جەنە ولارعا جاياۋ جٷرگٸنشٸلەر جولىمەن جٷرۋگە تىيىم سالۋ كەرەك ەكەنٸن ايتتى.
