قر پارلامەنت سەناتىنىڭ وتىرىسىندا دەپۋتاتتار ەلدەگٸ تەرتٸپسٸزدٸكتەر كەزٸندە كٶز جۇمعان بەيبٸت تۇرعىندار مەن كٷشتٸك قۇرىلىم قىزمەتكەرلەرٸنٸڭ جاقىندارىنا كٶڭٸل ايتتى, دەپ حابارلايدى قازاقپارات.
سەنات وتىرىسىن باستاعان تٶراعا مەۋلەن ەشٸمباەۆ قاڭتاردىڭ العاشقى كٷندەرٸندەگٸ تەرتٸپسٸزدٸكتەر تەۋەلسٸزدٸك تاريحىنداعى ەڭ قاسٸرەتتٸ وقيعا رەتٸندە ەستە قالاتىنىن اتادى.
«ٶكٸنٸشكە قاراي, كٷشتٸك قۇرىلىمداردىڭ بٸراز قىزمەتكەرٸ قازا بولدى. بٸز ولاردىڭ ەرلٸكتەرٸن ەشقاشان ۇمىتپايمىز. تەرروريستەردٸڭ قولىنان جازىقسىز جاندار دا قايتىس بولدى. قازا بولعان ازاماتتارىمىزدىڭ وتباسىلارى مەن جاقىندارىنا قايعىلارىنا ورتاقتاسىپ, كٶڭٸل ايتامىز. جاراقاتتانعان ادامداردىڭ تەزٸرەك ساۋعىپ كەتۋٸنە تٸلەكتەستٸگٸمٸزدٸ بٸلدٸرەمٸز», - دەدٸ مەۋلەن ەشٸمباۆ.
بۇل سٶزگە سەنات دەپۋتاتى ناريمان تٶرەعاليەۆ تە قوسىلدى.
«ساۋالىمىزدى جولداۋدان بۇرىن مەملەكەتٸمٸزگە, ەلٸمٸزدٸڭ كونستيتۋتسييالىق قۇرىلىمىنا قارسى جاسالعان شابۋىل مەن بٷلٸكتٸڭ سالدارىنان قايتىس بولعان بەيبٸت تۇرعىنداردىڭ, قۇقىق قورعاۋ قىزمەتكەرلەرٸ مەن ەسكەريلەردٸڭ وتباسىنا قايعىرىپ كٶڭٸل ايتامىز. تەۋەلسٸز ەلٸمٸزدٸڭ تۇتاستىعىنىڭ كەپٸلٸ رەتٸندە پرەزيدەنت قاسىم-جومارت كەمەلۇلى توقاەۆ سىندارلى شاقتا شۇعىل ەرٸ باتىل قادامدار جاساپ ماڭىزدى شەشٸمدەر قابىلدادى», - دەدٸ سەناتور.
