فوتو: Tengrinews.kz/ەليحان ساريەۆ
سەمەيلٸك ەيەل قارجى پيراميداسىن جارنامالاعانى ٷشٸن بەس جىلعا باس بوستاندىعىنان ايىرىلدى, - دەپ حابارلايدى «ۇلت اقپارات» Polisia.kz سايتىنا سٸلتەمە جاساپ.
سەمەيدٸڭ 57 جاستاعى تۇرعىنى اقتٶبە, اتىراۋ, اقتاۋ, الماتى, سەمەي, پاۆلودار قالالارىندا تۇراتىن باسقا تۇلعالارمەن سٶز بايلاسىپ, 2016 جىلى اقتٶبە تۇرعىنى جاساپ شىعارعان سمارتفون تٷرٸندەگٸ ۇيالى تەلەفون ارقىلى پايدالانىلاتىن شىعىس قازاقستان وبلىسىنىڭ تۇرعىندارىنا ارنالعان "APPPORT" موبيلدٸ قوسىمشاسىن جارنامالاپ, ٷگٸت- ناسيحات جۇمىستارىن جٷرگٸزگەن.
"UNNNITY corporation" جشس سايتىنا جەكە باس پايداسىن كٶزدەي وتىرىپ, قاراجات تارتۋ ماقساتىندا "APPPORT" موبيلدٸ قوسىمشاسىن پايدالانۋشىلار كەسٸپكەرلەرگە "APPPORT" پورتالى ارقىلى بەلگٸلٸ بٸر مەرزٸمگە دەيٸن ٶز قىزمەتتەرٸن جارنامالاۋعا مٷمكٸندٸگٸ بولاتىنىن ايتىپ سەندٸرگەن. "UCREDIT" (ۆيرتۋالدٸ ۆاليۋتا) ساتىپ الۋ كەزٸندە, سونداي- اق جاڭا تۇلعالاردى تٸركەگەن جاعدايدا بەلسەندٸ قاتىسۋشىلارعا قوسىمشا بونۋس الۋعا بولاتىنى تۋرالى جالعان اقپارات تاراتقان", - دەلٸنگەن حابارلامادا.
كٶپتەگەن ازاماتتار جارناماعا سەنٸپ, 350 مىڭنان 2 ميلليون تەڭگەگە دەيٸنگٸ كٶلەمدە قاراجاتتارىن سالعان. وسىلايشا 2016-2024 جىلدار ارالىعىندا ەيەل ٶزٸنٸڭ تانىستارىمەن بٸرٸگٸپ 2 مىڭعا جۋىق ادامدى الداپ, ولارعا جالپى سوماسى 2,5 ميلليارد تەڭگەگە جۋىق ماتەريالدىق شىعىن كەلتٸرگەن.
سوت ونى قىلمىستىق قۇقىق بۇزۋشىلىقتى جاساعانى ٷشٸن كٸنەلٸ دەپ تانىپ, قازاقستان رەسپۋبليكاسى قىلمىستىق كودەكسٸنٸڭ 217-بابى بويىنشا قىلمىستىق ٸس قوزعالىپ, 7 جىل مەرزٸمگە قارجى جەنە كوممەرتسييالىق ۇيىمداردا باسشىلىق قىزمەت اتقارۋ قۇقىعىنان ايىرا وتىرىپ, 5 جىلعا باس بوستاندىعىنان ايىرۋ جازاسىن تاعايىندادى.
"سوتتالعان جازاسىن ٶتەۋ ٷشٸن سەمەي قالاسىنداعى ەڭ تٶمەنگٸ قاۋٸپسٸزدٸك مەكەمەسٸنە كەلدٸ. قازٸر ول كارانتين بٶلٸمٸندە جاتىر. ونىمەن وقۋ-تٷسٸندٸرۋ جۇمىستارى جٷرگٸزٸلٸپ جاتىر, كارانتيندٸك بٶلٸمنەن شىققاننان كەيٸن سوت شەشٸمٸمەن تالاپ-ارىزداردى ٶتەۋ ٷشٸن اقى تٶلەنەتٸن جۇمىسقا ورنالاسادى", – دەيدٸ مەكەمە باسشىسىنىڭ ورىنباسارى دارحان بيگازيەۆ.
