سەمەي قالاسىنداعى قازاق يننوۆاتسييالىق گۋمانيتارلىق-زاڭ ۋنيۆەرسيتەتٸنە الاش كٶسەمٸ ەليحان بٶكەيحاننىڭ ەسٸمٸ بەرٸلدٸ, دەپ حابارلايدى قازاقپارات.
ەل تەۋەلسٸزدٸگٸنٸڭ 30 جىلدىعى جەنە ەليحان بٶكەيحاننىڭ 155 جىلدىعىنا وراي قازاق يننوۆاتسييالىق گۋمانيتارلىق-زاڭ ۋنيۆەرسيتەتٸ الاش قوزعالىسى جەتەكشٸسٸنٸڭ اتىمەن اتالدى.
بٷگٸن بٸلٸم ورداسىنىڭ باس عيماراتىندا ەليحان بٶكەيحان بيۋستٸنٸڭ اشىلۋ سالتاناتى ٶتتٸ. بيۋست اۆتورى – بەلگٸلٸ مٷسٸنشٸ, ل.ن.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پروفەسسورى تالعات اناربەكوۆ. سونداي-اق ۋنيۆەرسيتەتتە «ەليحان بٶكەيحان تۇلعاسى وتاندىق عىلىم كونتەكسٸندە: جاڭا پەنارالىق زەرتتەۋلەر مەن ٸزدەنٸستەر» اتتى عىلىمي-پراكتيكالىق كونفەرەنتسييا ۇيىمداستىرىلدى.
«سەمەي قالاسىنىڭ بٸلٸم جٷيەسٸندە ەليحان بٶكەيحان ەسٸمٸن جاڭعىرتۋ ٸسٸ ٶزەكتٸ. بۇل تۇرعىدا رەسپۋبليكالىق جوعارى بٸلٸم كەڭٸستٸگٸندە ٶزٸندٸك ورنى بار – قازاق يننوۆاتسييالىق گۋمانيتارلىق-زاڭ ۋنيۆەرسيتەتٸنٸڭ اتاۋى «ەليحان بٶكەيحان ۋنيۆەرسيتەتٸ» بولىپ اۋىستى. زامانا اعىسىندا ۇلت كٶشباسشىسى بولعان تۇلعا ەسٸمٸنٸڭ ۋنيۆەرسيتەتٸمٸزگە بەرٸلۋٸنٸڭ تاريحي نەگٸزٸ بار. بۇل بٸلٸم ورداسىنىڭ قۇرىلتايشىلارى مەن ستۋدەنتتەردٸڭ ەل مەن سەمەي قالاسى تاريحىنا جەنە ۇلتتىق مٷددەنٸ تۋ ەتٸپ كٶتەرگەن ەليحان بٶكەيحان باستاعان الاش قوزعالىسى قايراتكەرلەرٸنٸڭ تاريحي قىزمەتٸنە كٶرسەتكەن قۇرمەتٸ», - دەدٸ ۋنيۆەرسيتەت رەكتورى شىرىن قۇرمانباەۆا.
