سەمەي قالاسىنىڭ ٶرت سٶندٸرۋشٸلەرٸ جوعارى وقۋ ورنىنداعى ٶرت كەزٸندە كٸتاپحانا عيماراتى مەن مۇراعاتتى الىپ قالدى, دەپ حابارلايدى "ۇلت اقپارات".
ٶرتتٸ سٶندٸرۋگە قالانىڭ 50-دەن استام ٶرت سٶندٸرۋشٸسٸ مەن 14 تەحنيكا جۇمىلدىرىلدى. جالىن 1987 جىلى سالىنعان, ٷش قاباتتى جوعارى وقۋ ورنى عيماراتىنىڭ بٸر بٶلمەسٸن, دەرٸس زالىن شارپىدى.
ٶرت سٶندٸرۋشٸلەر 8 ساعات 30 مينۋتتا 150 شارشى مەتر الاڭداعى ٶرتتٸ تولىعىمەن سٶندٸردٸ.
وقيعانىڭ شىعۋ سەبەبٸن شقو تجد ٶرت سٶندٸرۋ زەرتتەۋ سىناق زەرتحاناسىنىڭ ماماندارى انىقتايدى. قازا بولعاندار مەن زارداپ شەككەندەر جوق. ٶرت كەزٸندە عيماراتتا ەشكٸم بولعان جوق.
«شقو تجد ٶرت قاۋٸپسٸزدٸگٸ ەرەجەلەرٸن قاتاڭ ساقتاۋ قاجەتتٸگٸن ەسكەرتەدٸ. ٶرتتٸڭ تۇتانۋىنا سەبەپ بولۋى مٷمكٸن كەمشٸلٸكتەردٸ جويۋ كەرەك. عيماراتتاردا جارامدى اۆتوماتتى ٶرت دابىلى, العاشقى ٶرت سٶندٸرۋ قۇرالدارى بولۋى تيٸس. ٶرت كەزٸندە 101 نەمەسە 112 نٶمٸرٸ بويىنشا حابارلاۋ قاجەت»,-دەلٸنگەن شقو تجد باسپاسٶز قىزمەتٸنٸڭ حابارلاماسىندا.
