Semei qalasynyń órt sóndirýshileri joǵary oqý ornyndaǵy órt kezinde kitaphana ǵimaraty men muraǵatty alyp qaldy, dep habarlaidy "Ult aqparat".
Órtti sóndirýge qalanyń 50-den astam órt sóndirýshisi men 14 tehnika jumyldyryldy. Jalyn 1987 jyly salynǵan, úsh qabatty joǵary oqý orny ǵimaratynyń bir bólmesin, dáris zalyn sharpydy.
Órt sóndirýshiler 8 saǵat 30 minýtta 150 sharshy metr alańdaǵy órtti tolyǵymen sóndirdi.
Oqiǵanyń shyǵý sebebin ShQO TJD Órt sóndirý zertteý synaq zerthanasynyń mamandary anyqtaidy. Qaza bolǵandar men zardap shekkender joq. Órt kezinde ǵimaratta eshkim bolǵan joq.
«ShQO TJD órt qaýipsizdigi erejelerin qatań saqtaý qajettigin eskertedi. Órttiń tutanýyna sebep bolýy múmkin kemshilikterdi joiý kerek. Ǵimarattarda jaramdy avtomatty órt dabyly, alǵashqy órt sóndirý quraldary bolýy tiis. Órt kezinde 101 nemese 112 nómiri boiynsha habarlaý qajet»,-delingen ShQO TJD baspasóz qyzmetiniń habarlamasynda.
