فوتو: egemen.kz
سەمەيدە ۋچاسكەلٸك پوليتسەيدٸڭ كٶلٸكتەرٸن ٶرتەگەن ەر ازام مۇنى نە ٷشٸن جاساعانى بەلگٸلٸ بولدى, دەپ حابارلايدى Ult.kz.
اباي وبلىسىنىڭ پوليتسييا دەپارتامەنتٸ 2026 جىلعى 25 قاڭتاردا «يۋنوست» شاعىناۋدانىنداعى ەكٸمشٸلٸك اۋماقتى ارالاۋ بارىسىندا ۋچاسكەلٸك پوليتسييا ينسپەكتورلارى بۇرىن سوتتى بولعان, 66 جاستاعى جەرگٸلٸكتٸ تۇرعىندى انىقتاعانىن حابارلايدى. اتالعان ازامات الكوگولدٸك ماس كٷيدە بولعان, سىرت كەلبەتٸ ۇقىپسىز, قوعامدىق تەرتٸپتٸ بۇزىپ, اگرەسسيۆتٸ ەرٸ ادەكۆاتتى ەمەس مٸنەز-قۇلىق تانىتقان.
ول ۋچاسكەلٸك پوليتسييا پۋنكتٸنە جەتكٸزٸلٸپ, زاڭدا بەلگٸلەنگەن تەرتٸپپەن قوعامدىق ورىندا الكوگولدٸك ماس كٷيدە جٷرگەنٸ ٷشٸن ەكٸمشٸلٸك حاتتاما تولتىرىلعان. قۇجاتتار رەسٸمدەلگەننەن كەيٸن ەر ادام تۋىستارىنا تاپسىرىلىپ, بوساتىلعان.
پوليتسييا قىزمەتكەرلەرٸنٸڭ زاڭدى ەرەكەتتەرٸمەن كەلٸسپەگەن ازامات كەيٸننەن قاساقانا زاڭعا قايشى ەرەكەتتەرگە بارىپ, ۋچاسكەلٸك پوليتسييا ينسپەكتورلارىنا تيەسٸلٸ, ۋچاسكەلٸك پۋنكت ماڭىندا تۇرعان ەكٸ اۆتوكٶلٸكتٸ بەنزين قۇيىپ ٶرتەگەن.
ٶرت سالدارىنان كٶلٸك قۇرالدارىنا ٸرٸ ماتەريالدىق زالال كەلتٸرٸلدٸ.
"اتالعان فاكتٸ بويىنشا قىلمىستىق ٸس قوزعالدى. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى, جاساعان ەرەكەتٸن تولىق مويىندادى. قازٸرگٸ ۋاقىتتا وعان قاتىستى قاماۋدا ۇستاۋ تٷرٸندەگٸ بۇلتارتپاۋ شاراسىن تاڭداۋ مەسەلەسٸ قارالۋدا.
تەرگەۋ قورىتىندىسى بويىنشا ونىڭ ەرەكەتتەرٸنە قولدانىستاعى زاڭناما تالاپتارىنا سەيكەس قۇقىقتىق باعا بەرٸلەتٸن بولادى", - دەلٸنگەن حابارلامادا.
