سەمەي قالاسىندا سۋعا باتىپ بارا جاتقان قىزدى قۇتقارامىن دەپ كٶز جۇمعان 14 جاستاعى جەتكٸنشەكتٸڭ اتا-اناسىنا مەدال بەرٸلدٸ, دەپ حابارلايدى "ۇلت اقپارات".
شقو تجد باسپاسٶز قىزمەتٸنٸڭ مەلٸمەتٸنە سٷيەنسەك, 29 شٸلدە كٷنٸ قر تٶتەنشە جاعدايلار مينيسترٸنٸڭ بۇيرىعىمەن ەشٸمجانوۆ نۇرجٸگٸت قۋانىشۇلى قايتىس بولعاننان كەيٸن «سۋعا باتقانداردى قۇتقارعانى ٷشٸن»مەدالٸمەن ماراپاتتالدى. ماراپاتتاۋ رەسٸمٸن سەمەي قالاسىنىڭ تٶتەنشە جاعدايلار باسقارماسى باستىعىنىڭ مٸندەتٸن اتقارۋشى ەرنار جالەلوۆ ٶتكٸزدٸ. ٶز سٶزٸندە ول بالانىڭ اتا-اناسىنا كٶڭٸل ايتىپ, باتىر ۇلدى تەربيەلەگەندەرٸنە العىس بٸلدٸردٸ.
«وقيعا 30 ماۋسىم كٷنٸ بولعان. نۇرجٸگٸت دوستارىمەن ەرتٸس ٶزەنٸنٸڭ جاعاسىندا دەمالىپ جٷرگەندە سۋعا باتىپ بارا جاتقان قىزدى كٶرٸپ قالادى. ٶزٸ جٷزە الماسا دا, ونى قۇتقارۋ ٷشٸن سۋعا سەكٸرگەن. جٷزٸپ جەتەدٸ دە قىزدى جاعاعا قاراي يتەرٸپ جٸبەردٸ. وسىلايشا, قىز امان قالعان. الايدا نۇرجٸگٸتتٸڭ سۋدان شىعۋعا شاماسى جەتپەدٸ. ونى ەسٸنەن تانىپ قالعان كەزدە سول ماڭداعى كۋەگەرلەر الىپ شىقتى», - دەپ حابارلادى ۆەدومستۆو ٶكٸلدەرٸ.
جەدەل جەردەم قىزمەتكەرلەرٸ كەلٸپ جەتكەن سوڭ جەتكٸنشەككە رەانيماتسييالىق شارالار قولدانعانىمەن, ونى قۇتقارۋ مٷمكٸن بولمادى.
